Left arrow Mur Lura

STQARRIJA MIS-SEGRETARJAT PARLAMENTARI GĦALL-GVERN LOKALI Investiment favur spazji miftuħa u l-eżerċizzju fiżiku fil-qalba tal-lokalitajiet

pr230252
Date Icon 16/02/2023

Waqt konferenza tal-aħbarijiet, ġie inawgurat outdoor gym ġdid fi spazju rikreattiv fil-qalba tal-lokalità ta' Ħal Lija, mis-Segretarju Parlamentari għall-Gvern Lokali Alison Zerafa Civelli u mis-Sindku ta' Ħal Lija Anthony Dalli. Dan il-proġett kien iffinanzjat minn fondi tad-Diviżjoni tal-Gvern Lokali permezz tal-iskema 'Finanzjament ta' Proġetti Kapitali, Aċċessibbiltà u Mobilità'.

Fl-istess spazju, bl-isem ta' Ġnien Ċentru Rikreattiv, hemm ukoll bandli li għadhom kif tlestew fih xogħlijiet fejn twaħħal tagħmir ġdid sabiex it-tfal ikollhom post aktar modern u sigur fejn jilagħbu. Dan l-investiment sar permezz ta' finanzjament mill-iskema 'Finanzjament għall-Iżvilupp u Titjib fil-Kundizzjonijiet tal-Playing Fields'.                                                                                                                                

Is-Segretarju Parlamentari Alison Zerafa Civelli qalet li dan il-gvern kommess li jkompli jinvesti f'aktar spazji ħodor u ta' rikreazzjoni fil-lokalitajiet Maltin u Għawdxin. “Permezz ta' proġetti bħal dawn fil-qalba tal-lokalitajiet, il-kunsilli lokali qed jikkumplimentaw u jsostnu l-ħidma tal-gvern favur spazji rikreattivi ħodor".

Is-Sur Anthony Dalli qal li fir-rigward ta' dan il-proġett, l-għan ewlieni tal-kunsill lokali kien li dan iċ-ċentru rikreattiv ikun post li joffri xi ħaġa għar-residenti kollha u ta' kull età. “Permezz ta' dawn il-fondi addizzjonali komplejna niġġeneraw dan l-ispazju u b'hekk ir-residenti għandhom post rikreattiv fir-raħal tagħhom stess".

L-investiment totali fi Ġnien Ċentru Rikreattiv jammonta għal ftit aktar minn €50,000.

Fix-xhur li ġejjin, il-Kunsill Lokali ta' Ħal Lija ser jibda xogħol ta' manutenzjoni fuq funtana li tinsab fl-istess ġnien. Dan ix-xogħol ser isir permezz ta' fondi mill-iskema 'Finanzjament għal xogħlijiet ta' manutenzjoni fuq funtani fil-lokalitajiet Maltin u Għawdxin'.

Għall-konferenza tal-aħbarijiet kien hemm preżenti wkoll id-direttur għall-Implimentazzjoni tal-Istrateġija u l-Politika fi ħdan id-Diviżjoni tal-Gvern Lokali u diversi membri tal-Kunsill Lokali ta' Ħal Lija.

STQARRIJA MIS-SEGRETARJAT PARLAMENTARI GĦALL-GVERN LOKALI Investiment favur spazji miftuħa u l-eżerċizzju fiżiku fil-qalba tal-lokalitajiet
STQARRIJA MIS-SEGRETARJAT PARLAMENTARI GĦALL-GVERN LOKALI Investiment favur spazji miftuħa u l-eżerċizzju fiżiku fil-qalba tal-lokalitajiet
STQARRIJA MIS-SEGRETARJAT PARLAMENTARI GĦALL-GVERN LOKALI Investiment favur spazji miftuħa u l-eżerċizzju fiżiku fil-qalba tal-lokalitajiet
STQARRIJA MIS-SEGRETARJAT PARLAMENTARI GĦALL-GVERN LOKALI Investiment favur spazji miftuħa u l-eżerċizzju fiżiku fil-qalba tal-lokalitajiet
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTRU U L-MINISTERU GĦAS-SAĦĦA  Id-Dipartiment tar-Radjoloġija f’San Vinċenz mistenni jaqbeż l-20,000 eżami fl-2026

PR261943

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTR...

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

Aktar Stqarrijiet Right arrow