Left arrow Mur Lura

STQARRIJA MIL-MINISTERU GĦALL-AGRIKOLTURA, IS-SAJD U D-DRITTIJIET TAL-ANNIMALI Diskussjoni ma’ diversi stakeholders dwar l-evoluzzjoni tas-swieq tal-ikel lokali

pr230244
Date Icon 15/02/2023

Dalgħodu, il-Malta Food Agency organizzat sessjoni ta’ djalogu bil-parteċipazzjoni ta’ bosta stakeholders mis-settur sabiex tiġi diskussa l-evoluzzjoni tas-swieq tal-ikel lokali. 

Din il-konferenza ġiet indirizzata wkoll mill-Ministru għall-Agrikoltura, is-Sajd u d-Drittijiet tal-Annimali Anton Refalo flimkien mas-Segretarju Parlamentari għas-Sajd, l-Akwakultura u d-Drittijiet tal-Annimali Alicia Bugeja Said. 

Fid-diskors tiegħu l-Ministru Anton Refalo sostna kif permezz tal-aġenzija responsabbli mill-ikel flimkien mal-bosta skemi finanzjarji li jinħargu, is-setturi li jaħdmu fihom l-bdiewa, raħħala u sajjieda Maltin qed ikomplu jissaħħu u jitjiebu.

Il-Ministru Refalo elenka bosta responsabbiltajiet li għandha din l-aġenzija li ser jwasslu għal aktar titjib f’dawn is-setturi fosthom il-bini ta’ pitkalija ġdida li tassigura valur miżjud u profittabilità xierqa għall-bdiewa; l-introduzzjoni ta’ tikketta li tidentifika prodotti lokali; aktar investiment fil-pixkerija; l-esportazzjoni tal-prodott Malti u ħidma mal-bdiewa u r-raħħala sabiex jirreġistraw prodotti Maltin bħala Product Designated of Origin, fost oħrajn.

Min-naħa tagħha s-Segretarju Parlamentari Alicia Bugeja Said saħqet li l-Malta Food Agency għanda rwol importanti fil-ħidma tal-bdiewa, r-raħħala u s-sajjieda Maltin u Għawdxin. Hija tenniet li bħala gżira żgħira, is-sostenibbiltà tas-settur tas-sajd u l-akwakultura jiddependi fuq it-tisħiħ tal-aċċess għall-ikel ekwu għal kull individwu f’pajjiżna kemm għall-ġenerazzjoni preżenti u dik futura. Bugeja Said saħqet kif bl-impenn tal-Gvern il-prezzijiet tal-ħut lokali baqgħu konsistenti kif ukoll affordabbli. Għaldaqstant dan jassigura li l-ħut mibjugħ mis-sajjieda qed jasal għand il-konsumatur Malti u Għawdxi. 

“Il-ħidma ta’ din l-aġenzija għadha biss fl-istadji inizjali tagħha u l-futur huwa wieħed mimli opportunitajiet ġodda. Kommessi li nkomplu l-ħidma tagħna biex inwettqu l-bidliet kollha meħtieġa biex dan is-settur ikompli jkun ta’ suċċess,” temmet tgħid is-Segretarju Parlamentari Bugeja Said.

STQARRIJA MIL-MINISTERU GĦALL-AGRIKOLTURA, IS-SAJD U D-DRITTIJIET TAL-ANNIMALI Diskussjoni ma’ diversi stakeholders dwar l-evoluzzjoni tas-swieq tal-ikel lokali
STQARRIJA MIL-MINISTERU GĦALL-AGRIKOLTURA, IS-SAJD U D-DRITTIJIET TAL-ANNIMALI Diskussjoni ma’ diversi stakeholders dwar l-evoluzzjoni tas-swieq tal-ikel lokali
STQARRIJA MIL-MINISTERU GĦALL-AGRIKOLTURA, IS-SAJD U D-DRITTIJIET TAL-ANNIMALI Diskussjoni ma’ diversi stakeholders dwar l-evoluzzjoni tas-swieq tal-ikel lokali
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTRU U L-MINISTERU GĦAS-SAĦĦA  Id-Dipartiment tar-Radjoloġija f’San Vinċenz mistenni jaqbeż l-20,000 eżami fl-2026

PR261943

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTR...

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

Aktar Stqarrijiet Right arrow