Left arrow Mur Lura

STQARRIJA MILL-MINISTERU GĦALL-INTERN, IS-SIGURTÀ, IR-RIFORMI U L-UGWALJANZA U MILL-MINISTERU GĦALL-AFFARIJIET BARRANIN U EWROPEJ U L-KUMMERĊ Malta se tibgħat aktar għajnuna lit-Turkija u s-Sirja

pr230202
Date Icon 07/02/2023

Se jinġabru provvisti biex jintbagħtu lejn it-Turkija u s-Sirja bħala għajnuna wara t-terremoti

Il-Protezzjoni Ċivili se tkun qed tilqa' provvisti sabiex jintbagħtu lejn it-Turkija u s-Sirja bħala għajnuna wara t-terremoti li seħħew aktar kmieni din il-ġimgħa. Ħabbar dan il-Ministru għall-Intern, is-Sigurtà, ir-Riformi u l-Ugwaljanza Byron Camilleri waqt il-ħin tal-mistoqsijiet parlamentari fil-Kamra tar-Rappreżentanti.

Il-Protezzjoni Ċivili se tkun qed tilqa' l-għotjiet tal-pubbliku Malti fl-istazzjonijiet tat-tifi tan-nar f'Ħal Far u x-Xewkija, Għawdex, bejn id-9am u l-5pm, kuljum. Il-pubbliku Malti huwa mħeġġeġ sabiex jieħu provvisti tal-ikel, ilbies li jsaħħan, gvieret, tined u materjal ieħor li jkun meħtieġ fiċ-ċirkustanza preżenti ta' dawn il-pajjiżi.

Il-Protezzjoni Ċivili bagħtet ukoll kontinġent b'saħħtu ta' 32 persuna u kelb sabiex jgħinu lill-Protezzjoni Ċivili fit-Turkija jfittxu n-nies li sfortunatament għadhom taħt it-tifrik li ġab it-terremot.

Intant, il-Ministeru għall-Affarijiet Barranin u Ewropej u l-Kummerċ se jkun qed jibgħat għajnuna finanzjarja lill-poplu Sirjan permezz tal-International Rescue Committee, li tgħin nies vittmi ta' diżastri naturali.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTRU U L-MINISTERU GĦAS-SAĦĦA  Id-Dipartiment tar-Radjoloġija f’San Vinċenz mistenni jaqbeż l-20,000 eżami fl-2026

PR261943

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTR...

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

Aktar Stqarrijiet Right arrow