Left arrow Go Back

STQARRIJA MILL-MINISTERU GĦAT-TRASPORT, L-INFRASTRUTTURA U L-PROĠETTI KAPITALI Insaħħu l-infurzar fit-toroq tagħna, tibdil fil-multi għall-kontravenzjonijiet tat-traffiku

pr230180
Date Icon 03/02/2023

Fl-aħħar ġimgħat il-Gvern kompla jaħdem biex jimplimenta l-pjan komprensiv biex tissaħħaħ is-sigurtà fit-toroq tagħna, pjan li qed jiġi implimentat b'numru ta' miżuri u bidliet leġislattivi kif ukoll strutturi ġodda li huma bżonnjużi.

“Filwaqt li kampanji ta' tagħlim u informazzjoni se jiżdiedu, hekk ukoll nemmnu li għandu jiżdied id-deterrent għal dawk il-kontravenzjonijiet li l l-istudji juru li huma kaġun ta' ħafna aċċidenti. Bl-istess mod, biex id-deterrent ma jibqax fuq il-karta biss, hemm bżonn li nsaħħu d-dipartiment tal-infurzar bl-għodda kollha li għandhom bżonn l-uffiċjali rispettivi. Minkejja dan l-infurzar kollu, għadna naraw nuqqasijiet serji fit-toroq tagħna. Għalhekk rajna li jiżdied id-deterrent, fejn ċertu multi għolew flimkien ma' żieda fit-tnaqqis ta' punti," stqarr il-Ministru Aaron Farrugia waqt li kien qed jindirizza konferenza tal-aħbarijiet.

Il-Ministru Aaron Farrugia ħabbar ukoll:

  • Erba' muturi ġodda għall-uffiċjali tal-infurzar b'investiment ta' €120,000, għal total ta' 14;
  • Matul l-2022 inħarġu 24,500 ċitazzjoni u ġew miġbura 607 karozza;
  • Fl-aħħar xhur ġie provdut aktar taħriġ lill-uffiċjali tal-infurzar;
  • Sigurtà fit-toroq: infrastruttura aħjar, aktar infurzar, kampanji edukattivi ta' tagħrif u tagħlim, u pieni aktar ħorox.

Preżenti għal din il-konferenza tal-aħbarijiet kien hemm il-Kap Eżekuttiv ta' Transport Malta (TM) Brigadier Jeffrey Curmi, d-Direttur għall-Infurzar fi ħdan l-Awtorità Patrick Pollacco, u Chief Officer Land Transport Pierre Montebello.

“Il-pajjiż għaddej minn bidliet demografiċi u ħajja iktar mgħaġġla. Bħal kull pajjiż ieħor għandna sfidi kbar fit-toroq tagħna u dawn qed jiġu indirizzati permezz ta' ħafna azzjonijiet inkluż id-disinn tat-toroq tagħna, t-tagħlim, l-infurzar u deterrent ikbar għal min sal-bieraħ kien iħoss li l-abbuż hu n-norma. Kull ċittadin hu responsabbli mis-sigurtà fit-toroq tagħna. Il-Gvern qed jagħmel xogħolu permezz ta' dan il-pjan komprensiv u llum qed nieħdu pass ieħor 'l quddiem," stqarr il-Ministru Farrugia.

Ġie spjegat li TM qed tkompli żżid il-kapaċità għal aktar infurzar fit-toroq permezz ta' investiment ta' €120,000 f'erba' muturi ġodda li se jiżdiedu mal-flotta eżistenti li għandha l-Awtorità. Iż-żieda ta' dawn il-muturi se twassal għal żieda fl-infurzar u assistenza aħjar lis-sewwieqa.

Tul l-aħħar żmien, it-taqsima tal-infurzar fi ħdan TM kompliet taħdem biex issaħħaħ l-operat tagħha permezz ta' diversi inizjattivi u taħriġ li offriet lill-uffiċjali tagħha. Ġiet introdotta taqsima tal-Operations Response Unit u ngħataw ukoll diversi opportunitajiet ta' taħriġ.

Fl-2022 żdiedu ukoll ir-Roadside Inspections f'Malta u Għawdex. Saru ukoll numru ta' Joint Roadside Inspections flimkien ma' numru ta' entitajiet oħra. Din iż-żieda fl-operat wasslet biex matul din is-sena jinħarġu total ta' 24,500 ċitazzjoni, u jiġu elevati 607 vettura li ma kinux konformi mar-regolamenti tat-traffiku.

Multi u punti

KontravenzjoniBħalissaKif se tinbidel
Sewqan fuq dawl aħmar€100€200
No-entry€46.59€75
Sewqan eċċessiv b'iktar minn 15km/h 'l fuq mil-limitu€69.88€100
Ġarr u tagħbija ta' vireg jew xbieki tal-ħadid li ma jkunux imwaħħlin sew€116.47€200
Nuqqas ta' użu ta' tailboard, spillage jew vettura mgħobbija żżejjed€46.69Mhux inqas minn €250, iżda mhux aktar minn €500
Ingombru (slipways u mollijiet) €104.82€104.82 – emenda fil-kontravenzjoni
Ostaklu b'vetturi li jikkaġuna t-traffiku€104.82€104.82 - emenda fil-kontravenzjoni
Tagħbija ta' aktar passiġġieri minn kemm permissibbli€11.65€50 (għal kull persuna)
Użu ta' vettura differenti minn dak permess skont il-liċenzja fil-każijiet ta' kiri jew profitt€34.94€200
Użu ta' mobile, użu ta' earphones jew over-ear headphones fil-widna lejn in-naħa tat-tieqa waqt li tkun wieqaf jew fi traffiku għal muturi, mopeds, ekickscooters jew vetturi ta' karegorija L, M1 jew N1€100€200
Użu ta' mobile, użu ta' earphones jew over-ear headphones fil-widna lejn in-naħa tat-tieqa waqt li tkun wieqaf jew fi traffiku għal vetturi ta' karegorija N2, N3, M2 u M3 u fejn hemm tagħbija ta' passiġġieri għall-kiri jew profitt€100€300
KontravenzjoniBħalissaKif se tinbidel
Sewqan fuq dawl aħmar€100€200
No-entry€46.59€75
Sewqan eċċessiv b'iktar minn 15km/h 'l fuq mil-limitu€69.88€100
Ġarr u tagħbija ta' vireg jew xbieki tal-ħadid li ma jkunux imwaħħlin sew€116.47€200
Nuqqas ta' użu ta' tailboard, spillage jew vettura mgħobbija żżejjed€46.69Mhux inqas minn €250, iżda mhux aktar minn €500
Ingombru (slipways u mollijiet) €104.82€104.82 – emenda fil-kontravenzjoni
Ostaklu b'vetturi li jikkaġuna t-traffiku€104.82€104.82 - emenda fil-kontravenzjoni
Tagħbija ta' aktar passiġġieri minn kemm permissibbli€11.65€50 (għal kull persuna)
Użu ta' vettura differenti minn dak permess skont il-liċenzja fil-każijiet ta' kiri jew profitt€34.94€200
Użu ta' mobile, użu ta' earphones jew over-ear headphones fil-widna lejn in-naħa tat-tieqa waqt li tkun wieqaf jew fi traffiku għal muturi, mopeds, ekickscooters jew vetturi ta' karegorija L, M1 jew N1€100€200
Użu ta' mobile, użu ta' earphones jew over-ear headphones fil-widna lejn in-naħa tat-tieqa waqt li tkun wieqaf jew fi traffiku għal vetturi ta' karegorija N2, N3, M2 u M3 u fejn hemm tagħbija ta' passiġġieri għall-kiri jew profitt€100€300

STQARRIJA MILL-MINISTERU GĦAT-TRASPORT, L-INFRASTRUTTURA U L-PROĠETTI KAPITALI Insaħħu l-infurzar fit-toroq tagħna, tibdil fil-multi għall-kontravenzjonijiet tat-traffiku
STQARRIJA MILL-MINISTERU GĦAT-TRASPORT, L-INFRASTRUTTURA U L-PROĠETTI KAPITALI Insaħħu l-infurzar fit-toroq tagħna, tibdil fil-multi għall-kontravenzjonijiet tat-traffiku
STQARRIJA MILL-MINISTERU GĦAT-TRASPORT, L-INFRASTRUTTURA U L-PROĠETTI KAPITALI Insaħħu l-infurzar fit-toroq tagħna, tibdil fil-multi għall-kontravenzjonijiet tat-traffiku
Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦAT-TURIŻMU  L-ITS Career Expo u l-Malta Skills Championships jgħaqqdu lill-istudenti mal-industrija u juru t-talent vokazzjonali

PR261945

STQARRIJA MILL-MINISTERU GĦAT-TURIŻMU L-ITS Career Expo u l-Malta Skills C...

STQARRIJA MILL-MINISTERU GĦALL-INKLUŻJONI U L-VOLONTARJAT U MILL-MINISTERU GĦALL-ĠUSTIZZJA, IR-RIĊERKA U L-INNOVAZZJONI  Qed jiġi żviluppat smart work station biex xogħol relatat mal-manifattura jsir aktar aċċessibbli għall-persuni b’diżabilità

PR261944

STQARRIJA MILL-MINISTERU GĦALL-INKLUŻJONI U L-VOLONTARJAT U MILL-MINISTERU ...

More Press Releases Right arrow