STQARRIJA MILL-UFFIĊĊJU TAL-ISPEAKER Wirja antoloġika tal-arti Mario Zammit-Lewis
L-Ispeaker tal-Kamra tad-Deputati Anġlu Farrugia M.P. inawgura Wirja Antoloġika tal-Arti tal-pittur Malti Mario Zammit Lewis. Din il-wirja għandha titqies bħala rakkont tal-ħidma artistika ta' Mario Zammit-Lewis mill-1956 sal-llum.
Bħal kull artist, Mario Zammit-Lewis jagħmel użu mill-pittura biex jirrakkonta l-ħajja umana u juri l-ġmiel tal-ambjent ta'madwarna. Hu studja l-arti minn età żgħira, bl-ewwel tpinġijiet tiegħu jkunu potraits ta' persuni ċelebri. Għal xi żmien hu esprima ruħu fl-astratt, iżda rritorna lura għal arti figurattiva.
Mario Zammit-Lewis ħa sehem f'diversi wirjiet importanti f'għadd ta' pajjiżi fl-Ewropa, fl-Amerika. Hu kiseb diversi premijiet u saħansitra kritiċi tal-arti magħrufa faħħru x-xogħlijiet artistiċi tiegħu.
L-Ispeaker semma l-impenn tal-awtoritajiet li jipprovdu għajnuna biex ikunu mħarsa xogħlijiet tal-arti u biex iħeġġu tant artisti Maltin biex jieħdu sehem f'wirjiet f'Malta u f'pajjiżi oħra.
Preżenti għall-inawgurazzjoni kien hemm is-Sottosegretario għall-Kultura tar-Republikka Taljana, il-Professur Vittorio Sgarbi.
Other Press Releases:
PR261947
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA Ċ...
PR261946