Left arrow Go Back

STQARRIJA MILL-MINISTERU GĦAL GĦAWDEX Titnieda l-wirja kulturali virtwali ‘On D Road’ biex ikun espost u reklamat il-wirt kulturali ta’ kull raħal f’Għawdex

pr230059
Date Icon 14/01/2023

Il-Ministru għal Għawdex Clint Camilleri nieda l-wirja kulturali virtwali On D Road fix-Xewkija bil-għan li jkun hawn għarfien akbar tal-wirt kulturali ta' pajjiżna. Huwa spjega li din l-esebizzjoni virtwali ser iddur kull raħal f'Għawdex u fiha ser jiġi espost u reklamat il-wirt kulturali kollu, kemm dak tanġibbli kif ukoll dak intanġibbli ta' kull raħal.

Permezz ta' din l-esebizzjoni se jintwera kemm il-wirt arkitettoniku hu mifrux f'kull raħal, inklużi knejjes, kappelli, torrijiet, siti arkeoloġiċi, mużewijiet, imtieħen, bini pubbliku, niċeċ, bajjiet u l-bqija, kif ukoll tradizzjonijiet, użanzi, arti performattiva u snajja'.

Il-Ministru Camilleri qal li Għawdex għandu wirt kulturali kbir filwaqt li insista li kommess ikompli bil-ħidma sabiex jiżdied l-għarfien dwar il-wirt kulturali tal-gżira Għawdxija. “Dan hu wirt kulturali sinjur li tant jinteressa nies barra minn xtutna li jagħżlu li jżuru Għawdex kull sena proprju għalhekk. L-għan tagħna huwa fuq kollox li nkomplu nkunu destinazzjoni għal matul is-sena kollha fosthom grazzi għall-wirt kulturali li toffri l-gżira tagħna", qal il-ministru għal Għawdex.

Id-Direttur għall-Wirt Kulturali fi ħdan il-Ministeru għal Għawdex John Xuereb spjega li biex setgħet issir din il-wirja kulturali virtwali On D Road saru laqgħat mal-kunsilli lokali kollha ta' Għawdex, 14 b'kollox, u eventwalment sar qbil dwar dak li għandu jintwera.

Din il-wirja mistennija tintemm f'Mejju li ġej.

STQARRIJA MILL-MINISTERU GĦAL GĦAWDEX Titnieda l-wirja kulturali virtwali ‘On D Road’ biex ikun espost u reklamat il-wirt kulturali ta’ kull raħal f’Għawdex
STQARRIJA MILL-MINISTERU GĦAL GĦAWDEX Titnieda l-wirja kulturali virtwali ‘On D Road’ biex ikun espost u reklamat il-wirt kulturali ta’ kull raħal f’Għawdex
STQARRIJA MILL-MINISTERU GĦAL GĦAWDEX Titnieda l-wirja kulturali virtwali ‘On D Road’ biex ikun espost u reklamat il-wirt kulturali ta’ kull raħal f’Għawdex
Share this Press Release Icon socials Icon socials Icon socials Icon socials

Other Press Releases:

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTRU U L-MINISTERU GĦAS-SAĦĦA  Id-Dipartiment tar-Radjoloġija f’San Vinċenz mistenni jaqbeż l-20,000 eżami fl-2026

PR261943

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTR...

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

More Press Releases Right arrow