Left arrow Mur Lura

STQARRIJA MILL-UFFIĊĊJU TAL-PRESIDENT Il-President jiltaqa' mal-Ministru għall-Affarijiet Barranin u l-Kummerċ tal-Ungerija

pr221761
Date Icon 16/12/2022

Il-President George Vella llum kellu laqgħa ma' Péter Szijjártó, Ministru għall-Affarijiet Barranin u l-Kummerċ tal-Ungerija. Id-diskussjonijiet koprew firxa ta' kwistjonijiet ta' natura bilaterali u reġjonali, b'enfasi fuq kwistjonijiet tal-Unjoni Ewropea.

Fil-bidu, il-President Vella fakkar li kien laqa' lill-President tal-Ungerija, Katalin Novak, f'Malta biex tipparteċipa fil-laqgħa Arraiolos li saret f'Ottubru. Il-President qal li r-relazzjonijiet bilaterali huma eċċellenti u esprima sodisfazzjon għall-intensifikazzjoni reċenti fil-kummerċ, l-investiment u l-konnettività bl-ajru bejn iż-żewġ pajjiżi. Ir-relazzjonijiet bejn il-popli wkoll tjiebu permezz tal-komunità mdaqqsa ta' Ungeriżi f'Malta u l-istudenti Maltin li jfittxu edukazzjoni u taħriġ veterinarji speċjalizzati fl-Ungerija.

Min-naħa tiegħu, il-Ministru Szijjártó faħħar lil Malta għall-pożizzjoni li ser tieħu bħala membru mhux permanenti fil-Kunsill tas-Sigurtà tan-NU u esprima appoġġ għall-programm u l-inizjattivi previsti tagħha. Il-Ministru spjega fid-dettall is-sitwazzjoni reċenti dwar il-kwistjoni tad-diskussjonijiet dwar l-istat tad-dritt fi ħdan l-Unjoni Ewropea.

Saret diskussjoni profonda wkoll dwar ix-xejriet tal-migrazzjoni li jaffettwaw liż-żewġ pajjiżi, is-sigurtà tal-enerġija fid-dawl tal-gwerra fl-Ukrajna u l-Konferenza dwar il-Futur tal-Ewropa.

STQARRIJA MILL-UFFIĊĊJU TAL-PRESIDENT Il-President jiltaqa' mal-Ministru għall-Affarijiet Barranin u l-Kummerċ tal-Ungerija
STQARRIJA MILL-UFFIĊĊJU TAL-PRESIDENT Il-President jiltaqa' mal-Ministru għall-Affarijiet Barranin u l-Kummerċ tal-Ungerija
STQARRIJA MILL-UFFIĊĊJU TAL-PRESIDENT Il-President jiltaqa' mal-Ministru għall-Affarijiet Barranin u l-Kummerċ tal-Ungerija
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Ċertifikazzjoni internazzjonali tal-ogħla livell għad-dipartiment tar-radjoterapija fiċ-Ċentru tal-Onkoloġija Sir Anthony Mamo

PR261947

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA Ċ...

STQARRIJA MILL-MINISTERU GĦALL-EDUKAZZJONI U L-ISPORT  Aktar minn 1,800 student jiggradwaw mill-Università ta’ Malta

PR261946

STQARRIJA MILL-MINISTERU GĦALL-EDUKAZZJONI U L-ISPORT Aktar minn 1,800 stu...

Aktar Stqarrijiet Right arrow