Left arrow Mur Lura

STQARRIJA MILL-MINISTERU GĦAL GĦAWDEX U MIS-SEGRETARJAT PARLAMENTARI GĦALL-FONDI EWROPEJ Iċ-Ċittadella tirbaħ l-ewwel premju tal-Public Choice Award tal-kompetizzjoni prestiġjuża Regiostars 2022

PR221588
Date Icon 18/11/2022

Iċ-Ċittadella rebħet il-Public Choice Award tar-Regiostars ta' din is-sena.

Dan tħabbar mill-Ministru għal Għawdex Clint Camilleri li qal li, “Dan huwa ta' unur għall-Għawdxin u għall-Maltin kollha. Permezz ta' dan il-premju, għal darba oħra, isem il-gżejjer tagħna kien f'kompetizzjoni tant prestiġjuża, hekk kif dan il-proġett ġie vvutat bħala l-aqwa wieħed fost 300 proġett tal-pajjiżi membri tal-Unjoni Ewropea. Kommessi li nkomplu nieħdu ħsieb il-wirt storiku tagħna, li nżommu liċ-Ċittadella fl-aqwa stat possibbli u nħarsu 'l quddiem għal iżjed unuri bħal dawn".

Is-Segretarju Parlamentari għall-Fondi Ewropej Chris Bonett esprima sodisfazzjon għall-fatt li dan huwa l-ewwel proġett b'fondi Ewropej li rebaħ ir-Regiostars Award.

“Il-proġett taċ-Ċittadella twettaq b'investiment ta' aktar minn €14-il miljun, li minnhom madwar €12-il miljun kienu mill-Fond Ewropew għall-Iżvilupp Reġjonali. Għaldaqstant, din hija aħbar pożittiva li tagħmilna aktar determinati li nkomplu nwettqu aktar proġetti b'fondi Ewropej, li jgawdu minnhom il-familji Maltin u Għawdxin."

Is-sena 2022 immarkat anniversarju speċjali għar-Regiostars għax ittellgħet il-15-il edizzjoni minn kemm ilha ssir il-kompetizzjoni sa mill-2008. Ir-Regiostars Awards hi kompetizzjoni prestiġjuża, organizzata mill-Unjoni Ewropea, bl-iskop li turi l-aħjar proġetti li saru f'diversi pajjiżi membri u tużahom bħala l-aqwa eżempji (best practices examples). B'differenza mis-snin l-imgħoddija, din is-sena għażlet 15-il proġett bħala finalisti, wieħed għal kull sena li ilha torganizza din il-kompetizzjoni.

Il-Ministru għal Għawdex Clint Camilleri temm billi rringrazzja lit-tim li ħadem qatigħ għal dan ir-riżultat u lil kull min ikkontribwixxa sabiex b'mod kollettiv inkiseb dan is-suċċess għal Għawdex u għal Malta.

STQARRIJA MILL-MINISTERU GĦAL GĦAWDEX U MIS-SEGRETARJAT PARLAMENTARI GĦALL-FONDI EWROPEJ Iċ-Ċittadella tirbaħ l-ewwel premju tal-Public Choice Award tal-kompetizzjoni prestiġjuża Regiostars 2022
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTRU U L-MINISTERU GĦAS-SAĦĦA  Id-Dipartiment tar-Radjoloġija f’San Vinċenz mistenni jaqbeż l-20,000 eżami fl-2026

PR261943

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTR...

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

Aktar Stqarrijiet Right arrow