Left arrow Mur Lura

​STQARRIJA MILL-MINISTERU GĦALL-EKONOMIJA, IL-FONDI EWROPEJ U L-ARTIJIET Noħolqu ambjent regolatorju sostenibbli

pr221522
Date Icon 08/11/2022

Ingħata bidu għal SME Week, fejn matulha jittellgħu numru ta’ attivitajiet bil-għan li jiżdied l-għarfien dwar in-negozji żgħar u medji. L-ewwel attività kienet organizzata bejn il-Malta Business Registry (MBR) u l-Kamra tal-Kummerċ bil-għan li jinħoloq ambjent regolatorju sostenibbli.

Fid-diskors tiegħu waqt din l-attività, il-Ministru għall-Ekonomija, il-Fondi Ewropej u l-Artijiet Silvio Schembri qal li matul l-aħħar sena l-MBR ħadmet qatigħ biex isem pajjiżna jitneħħa mil-lista tal-FATF fl-inqas żmien possibbli, kif fil-fatt ġara. 

“Issa rridu nħarsu ‘l quddiem u nassiguraw il-kompetittività ta’ pajjiżna fuq livell internazzjonali. Issa, l-focus irid idur mill-aspett amministrattiv u ta’ compliance għal wieħed li jħares aktar ‘il quddiem. U hawnhekk hija l-isfida li nilħqu bilanċ bejn l-esiġenzi operazzjonali, amministrattivi, u li jkollna ambjent regolatorju sostenibbli,” sostna l-Ministru Schembri.

Huwa żied jgħid li mod kif jista’ jsir dan huwa billi tiġi eliminata l-burokrazija żejda u jiġi ssimplifikat il-proċess ta’ due diligence, billi jkun hemm due diligence wieħed għall-entitajiet kollha.

Il-Ministru Schembri fakkar li l-Ministeru għall-Ekonomija għadu kemm ħatar kumitat biex jiffaċilita l-ftuħ ta’ kont bankarju bażiku għan-negozji. “Tnediet ukoll il-Credit Review Office, entità bejn il-banek kummerċjali u l-klijenti li jerġgħu jaraw każijiet fejn is-self ikun irrifjutat.”

Il-President tal-Kamra tal-Kummerċ Marisa Xuereb, filwaqt li esprimiet ringrazzjament għall-ħidma tal-MBR matul l-aħħar sena, qalet li “Is-sostenibbiltà rridu nikkunsidrawha fuq tliet fatturi importanti: in-nefqa, it-tkabbir ekonomiku, u li nħarsu r-reputazzjoni tagħna.”

Dr Geraldine Spiteri Lucas, il-kap eżekuttiv tal-MBR u reġistratur, qalet li “Issa wasal iż-żmien li b’dak kollu li tgħallimna matul l-aħħar sena u b’qafas regolatorju b’saħħtu, inħarsu ‘l quddiem biex nattiraw negozji ġodda.”

​STQARRIJA MILL-MINISTERU GĦALL-EKONOMIJA, IL-FONDI EWROPEJ U L-ARTIJIET Noħolqu ambjent regolatorju sostenibbli
​STQARRIJA MILL-MINISTERU GĦALL-EKONOMIJA, IL-FONDI EWROPEJ U L-ARTIJIET Noħolqu ambjent regolatorju sostenibbli
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Ċertifikazzjoni internazzjonali tal-ogħla livell għad-dipartiment tar-radjoterapija fiċ-Ċentru tal-Onkoloġija Sir Anthony Mamo

PR261947

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA Ċ...

STQARRIJA MILL-MINISTERU GĦALL-EDUKAZZJONI U L-ISPORT  Aktar minn 1,800 student jiggradwaw mill-Università ta’ Malta

PR261946

STQARRIJA MILL-MINISTERU GĦALL-EDUKAZZJONI U L-ISPORT Aktar minn 1,800 stu...

Aktar Stqarrijiet Right arrow