Left arrow Mur Lura

STQARRIJA MILL-MINISTERU GĦALL-WIRT NAZZJONALI, L-ARTI U L-GVERN LOKALI: Titnieda l-10 edizzjoni tat-Three Palaces Early Opera and Music Festival

pr221378
Date Icon 13/10/2022

Wara żewġ edizzjonijiet li seħħew kompletament fuq l-isfera diġitali, it-Three Palaces Early Opera and Music Festival ser jirritorna fil-format tradizzjonali tiegħu bejn l-1 u t-12 ta’ Novembru 2022. Dan tħabbar mill-Ministru għall-Wirt Nazzjonali, l-Arti u l-Gvern Lokali Owen Bonnici li spjega li din id-darba l-programm ġie kkurat minn tim artistiku konġunt, magħmul minn Michelle Castelletti u Kenneth Zammit Tabona, li saħħaħ bil-bosta l-element ta’ opra Barokka fil-festival.

Il-Ministru Owen Bonnici sostna li dan l-avveniment joffri aċċessibbiltà għal diversi forom ta’ arti u għall-binjiet storiċi u sbieħ ta’ pajjiżna. “Aħna nimmiraw li niżguraw li kull forma ta’ arti hija rikonoxxuta, inkluż is-settur operistiku li fih pajjiżna qed jiddistingwi ruħu,” saħaq Dr Bonnici.

Iċ-Chairperson ta’ Festivals Malta, Aaron Zahra, qal, “Grazzi għal dan il-festival qed inħeġġu l-apprezzament lejn il-wirt arkitettoniku Malti li ħafna drabi jiġi sottovalutat. It-Three Palaces Early Opera & Music Festival jagħti aċċess għal dawn il-binjiet lil dawk kollha li jżuru pajjiżna u joffrilhom esperjenza unika.”

Il-Kap Eżekuttiv ta’ Festivals Malta, Annabelle Stivala, qalet li, “Il-programmazzjoni tal-festival ta’ din is-sena hija tal-akbar importanza, peress li minħabba l-waqfa kkawżata mill-pandemija, għaqqadna b’suċċess tliet ġeneri, chamber music, opra Barokka kif ukoll ix-xogħlijiet ta’ Joseph Vella – u b’hekk ħloqna programm dinamiku li jappella lil udjenzi usa’.”

Id-Direttur Artistiku, Michelle Castelletti, stqarret li hija kuntenta li qed jippreżentaw dan il-festival. “Fl-aħħar ser nirritornaw lejn il-palazzi glorjużi tagħna - mill-ġmiel tal-Gran Salon fil-binja straordinarja tal-Auberge de Provence (Mużew tal-Arkeoloġija), sal-katidral spettakolari tagħna, il-Konkatidral ta’ San Ġwann. Mir-reġina assoluta tal-Lieder mal-mezzosopran Dame Sarah Connolly, sas-sublimità tal-kor ORA Singers. Din is-sena il-festival huwa eċċezzjonali”.

Min-naħa tiegħu, id-Direttur Artistiku Kenneth Zammit Tabona ħabbar li, “Bħala parti mill-programm mużikali tal-Early Baroque Opera, iż-żewġ ġeneri tal-Opra u tal-Barokk se jiżżewġu f’żewġ xogħlijiet mill-isbaħ ta’ Georg Frederick Handel fl-edizzjoni ta’ din is-sena tal-festival hekk kif se nkunu qed nippreżentaw Partenope HWV27 u Belshazzar. HWV61.”

It-Three Palaces Early Opera & Music Festival huwa organizzat minn Festivals Malta. Għall-biljetti u għal aktar informazzjoni żur www.festivals.mt.

STQARRIJA MILL-MINISTERU GĦALL-WIRT NAZZJONALI, L-ARTI U L-GVERN LOKALI: Titnieda l-10 edizzjoni tat-Three Palaces Early Opera and Music Festival
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Ċertifikazzjoni internazzjonali tal-ogħla livell għad-dipartiment tar-radjoterapija fiċ-Ċentru tal-Onkoloġija Sir Anthony Mamo

PR261947

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA Ċ...

STQARRIJA MILL-MINISTERU GĦALL-EDUKAZZJONI U L-ISPORT  Aktar minn 1,800 student jiggradwaw mill-Università ta’ Malta

PR261946

STQARRIJA MILL-MINISTERU GĦALL-EDUKAZZJONI U L-ISPORT Aktar minn 1,800 stu...

Aktar Stqarrijiet Right arrow