Left arrow Mur Lura

STQARRIJA MILL-UFFIĊĊJU TAL-PRIM MINISTRU: Laqgħa ta’ qabel il-Budget maċ-Chamber of SMEs: il-Prim Ministru Robert Abela jisħaq li l-azjendi żgħar u medji jibqgħu l-mutur ta’ tkabbir ekonomiku

pr221375
Date Icon 13/10/2022

F’laqgħa ta’ qabel il-Budget mal-Kamra għan-Negozji Żgħar u Medji (Chamber of SMEs) fil-Berġa ta’ Kastilja, il-Prim Ministru Robert Abela saħaq li bħala gvern irridu nkomplu nemmnu fl-investiment u fis-sostenn tal-kapaċità produttiva ta’ pajjiżna.

Dr Abela qal li fi żmien fejn f’pajjiżi Ewropej oħra, in-negozji qed jiġu mwaqqfa milli jkomplu jaħdmu billi tinqatalhom il-provvista tal-elettriku minħabba kriżi fil-qasam tal-enerġija, Malta kisbet derogi biex l-intrapriżi jibqgħu jaħdmu mingħajr xkiel u f’pajjiżna qed jingħataw ukoll l-akbar sussidji fl-Ewropa fil-qasam imsemmi.

Il-Prim Ministru Abela qal li dan qed isir b’responsabbiltà u għaliex il-gvern jemmen li wara li tgħaddi l-kriżi tal-enerġija, in-negozji f’pajjiżna se jkunu f’qagħda li jieħdu l-opportunitajiet ta’ rkupru.

Il-Prim Ministru Robert Abela nnota r-reżiljenza tal-ekonomija Maltija u kif meta n-negozji sabu s-sostenn tal-gvern, dawn baqgħu kapaċi jilqgħu għall-isfidi bla preċedent.

“Quddiem kriżi internazzjonali, l-azjendi żgħar u medji sabu l-appoġġ u wrew li jistgħu jkunu dinamiċi ħafna u jibdlu l-isfidi f’opportunitajiet”, qal il-Prim Ministru Abela hu u jisħaq dwar il-ħtieġa li nkomplu niddiversifikaw l-ekonomija fejn l-intrapriżi żgħar u medji jibqgħu l-mutur ta’ tkabbir ekonomiku.

Il-President taċ-Chamber of SMEs Paul Abela rrikonoxxa l-għajnuna tal-gvern fl-elettriku, fil-fjuwil u fil-gass u nnota l-kisba tad-derogi biex Malta ma tesperjenzax tnaqqis fil-produttività.

Filwaqt li ġew ippreżentati numru ta’ proposti, iċ-Chamber of SMEs wasslet messaġġ favur is-sostenibbiltà fis-settur tax-xogħol.

Għal din il-laqgħa kien hemm preżenti wkoll il-Ministri Clyde Caruana, Silvio Schembri, Miriam Dalli, is-Segretarju Parlamentari Andy Ellul u d-Deputat tal-Gvern Chris Agius.

STQARRIJA MILL-UFFIĊĊJU TAL-PRIM MINISTRU: Laqgħa ta’ qabel il-Budget maċ-Chamber of SMEs: il-Prim Ministru Robert Abela jisħaq li l-azjendi żgħar u medji jibqgħu l-mutur ta’ tkabbir ekonomiku
STQARRIJA MILL-UFFIĊĊJU TAL-PRIM MINISTRU: Laqgħa ta’ qabel il-Budget maċ-Chamber of SMEs: il-Prim Ministru Robert Abela jisħaq li l-azjendi żgħar u medji jibqgħu l-mutur ta’ tkabbir ekonomiku
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Inawgurat bust ta’ Ġorġ tal-Mużew fl-Isptar Mater Dei b’tifkira tal-ħidma tiegħu fost dawk vulnerabbli

PR261936

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...

PRESS RELEASE BY THE MINISTRY FOR ENERGY, THE ENVIRONMENT AND THE REGENERATION OF THE GRAND HARBOUR  ERA launches anniversary publication: A decade of protecting Malta’s natural future

PR261935en

PRESS RELEASE BY THE MINISTRY FOR ENERGY, THE ENVIRONMENT AND THE REGENERAT...

Aktar Stqarrijiet Right arrow