Left arrow Go Back

STQARRIJA MILL-MINISTERU GĦAL GĦAWDEX: Jitħabbru d-dati ta’ Levant Gozo Music Fest, l-ewwel festival f’Għawdex mifrux fuq jumejn

pr221127
Date Icon 03/09/2022

Il-Ministru għal Għawdex Clint Camilleri ħabbar li se jsir il-Levant Gozo Music Fest, festival ta’ mużika li għall-ewwel darba se jkun mifrux fuq jumejn u se jittella’ bejn id-9 u l-10 ta’ Settembru fil-Heliport tax-Xewkija.

Il-Ministru Camilleri spjega li, “F’Għawdex qed jittella’ l-Levant Gozo Music Fest fost avvenimenti oħra sabiex anke din il-gżira tibqa’ tkun attraenti għal turiżmu ta’ divertiment u noffru attivitajiet ta’ kwalità għolja kemm għall-Għawdxin kif ukoll għall-Maltin u għat-turisti li jżuruna.” Żied jgħid li, “Bħala Ministeru għal Għawdex, aħna kontinwament naħdmu sabiex nattiraw lejn din il-gżira turisti ta’ kwalità tul is-sena kollha, anke fix-shoulder months.”

Charles Borg, wieħed mill-organizzaturi mill-Kumitat Ċentrali tax-Xewkija, qal li Levant Music Fest se jagħlaq l-istaġun sajfi tal-mużika f’Għawdex permezz ta’ spettaklu ta’ mużika b’diversi artisti rinomati kemm lokali kif ukoll internazzjonali. Il-festival se jilħaq il-qofol tiegħu permezz tar-rebbieħ tal-Grammy Award, Imanbek, il-mużiċist ta’ 20 sena mill-Kazakhstan li għamel suċċess kbir fid-dinja mużikali. F’dan il-festival se jieħdu sehem ukoll Tribali, The Travellers, Mae, Rubberband u Junior B.

Il-Ministru Clint Camilleri temm billi ħeġġeġ lil dawk kollha li għandhom għal qalbhom il-mużika biex jattendu dan il-festival miftuħ għal kulħadd mingħajr ħlas. Levant Music Fest huwa sponsorjat mid-Direttorat għall-Wirt Kulturali fi ħdan il-Ministeru għal Għawdex. 

STQARRIJA MILL-MINISTERU GĦAL GĦAWDEX: Jitħabbru d-dati ta’ Levant Gozo Music Fest, l-ewwel festival f’Għawdex mifrux fuq jumejn
Share this Press Release Icon socials Icon socials Icon socials Icon socials

Other Press Releases:

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTRU U L-MINISTERU GĦAS-SAĦĦA  Id-Dipartiment tar-Radjoloġija f’San Vinċenz mistenni jaqbeż l-20,000 eżami fl-2026

PR261943

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTR...

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

More Press Releases Right arrow