Left arrow Mur Lura

STQARRIJA MIS-SEGRETARJAT PARLAMENTARI GĦALL-GVERN LOKALI Sostenn lit-tradizzjoni tal-banda: Ftehim bejn il-Kunsill Reġjonali tan-Nofsinhar u s-soċjetajiet mużikali fl-istess reġjun

pr221035
Date Icon 03/08/2022

Il-Kunsill Reġjonali tan-Nofsinhar qed jirrikonoxxi l-impenn tal-każini tal-banda lejn is-socjetà b’iffirmar ta’ Memorandum of Understanding. Permezz ta’ dan il-ftehim, 17-il każin tal-banda ser jibbenefikaw minn finanzjament mill-Kunsill Reġjonali sabiex jorganizzaw attività mużikali fi żmien sena mill-iffirmar. Il-każini tal-banda ser jingħataw fondi addizzjonali jekk l-attività organizzata tkun ambjentalment sostenibbli.

Dan il-ftehim mistenni jissarraf f’tisħiħ tal-fergħa soċjo-kulturali permezz ta’ kunċerti u servizzi mużikali li joffru l-każini tal-banda fil-kommunitajiet tar-Reġjun. 

“Minħabba l-pandemija f’dawn l-aħħar sentejn kellna nuqqas ta’ kunċerti mużikali organizzati mill-każini tal-banda u nifhem l-impatt negattiv li ħalliet il-pandemija fuq il-qagħda finanzjarja tal-każini,” qalet is-Segretarju Parlamentari għall-Gvern Lokali Alison Zerafa Civelli. Hija żiedet tgħid li grazzi għall-finanzjament mir-Reġjun, il-każini tal-banda ser jirċievu fondi li ser ikunu ta’ għajnuna sabiex jiġu organizzati attivitajiet mużikali li ser jitgawdew kemm mill-komunità tan-Nofsinhar, kif ukoll mit-turisti u mit-turisti lokali.

Min-naħa tiegħu, il-President tal-Kunsill Reġjonali tan-Nofsinhar Jesmond Aquilina qal li “r-Reġjun qiegħed jaħdem fuq inizjattivi oħra li ser ikunu ta’ benefiċċju għall-ħajja aħjar tar-residenti tar-Reġjun.” Huwa għalaq id-diskors tiegħu billi rringrazzja lil l-Kumitati tas-Soċjetajiet Mużikali li pparteċipaw f’dan il-ftehim u jħares ’il quddiem għal aktar ħidma u koperazzjoni flimkien.

“Dejjem nisħaq fuq l-importanza li nkomplu niċċelebraw il-kultura tagħna u nippreservawha għall-ġenerazzjonijiet ta’ warajna, għaliex wara kollox il-wirt kulturali Malti huwa parti mill-identità tagħna u huwa dak li jiddistingwina,” kkonkludiet is-Segretarju Parlamentari Zerafa Civelli. 

L-iffirmar tal-MoU sar fil-bini tal-uffiċċju tal-Kunsill Reġjonali tan-Nofsinhar fejn kien hemm preżenti s-Segretarju Eżekuttiv tal-Kunsill Reġjonali tan-Nofsinhar Philip Carabott, il-President tal-Assoċjazzjoni tal-Kunsill Lokali Mario Fava u s-17-il President tal-każini tal-banda. 

STQARRIJA MIS-SEGRETARJAT PARLAMENTARI GĦALL-GVERN LOKALI Sostenn lit-tradizzjoni tal-banda: Ftehim bejn il-Kunsill Reġjonali tan-Nofsinhar u s-soċjetajiet mużikali fl-istess reġjun
STQARRIJA MIS-SEGRETARJAT PARLAMENTARI GĦALL-GVERN LOKALI Sostenn lit-tradizzjoni tal-banda: Ftehim bejn il-Kunsill Reġjonali tan-Nofsinhar u s-soċjetajiet mużikali fl-istess reġjun
STQARRIJA MIS-SEGRETARJAT PARLAMENTARI GĦALL-GVERN LOKALI Sostenn lit-tradizzjoni tal-banda: Ftehim bejn il-Kunsill Reġjonali tan-Nofsinhar u s-soċjetajiet mużikali fl-istess reġjun
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Ċertifikazzjoni internazzjonali tal-ogħla livell għad-dipartiment tar-radjoterapija fiċ-Ċentru tal-Onkoloġija Sir Anthony Mamo

PR261947

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA Ċ...

STQARRIJA MILL-MINISTERU GĦALL-EDUKAZZJONI U L-ISPORT  Aktar minn 1,800 student jiggradwaw mill-Università ta’ Malta

PR261946

STQARRIJA MILL-MINISTERU GĦALL-EDUKAZZJONI U L-ISPORT Aktar minn 1,800 stu...

Aktar Stqarrijiet Right arrow