Left arrow Mur Lura

STQARRIJA MILL-MINISTERU GĦAL GĦAWDEX: Titnieda d-disa’ edizzjoni tal-Gozo Ceramics Festival fix-Xlendi

pr221003
Date Icon 27/07/2022

Il-Ministru għal Għawdex Clint Camilleri nieda d-9 edizzjoni tal-Gozo Ceramics Festival filwaqt li inawgura l-esibizzjoni bl-isem ‘Ceramic Art Collective’ li fiha 15-il artist qed jesibixxu l-arti taċ-ċeramika tagħhom.

Din l-esibizzjoni qed turi l-versatilità tat-tafal bħala mezz ta’ espressjoni artisitika minn uħud mill-artisti lokali rinomati flimkien ma’ talent ġdid fix-xena tal-arti taċ-ċeramika kontemporanja, u se tibqa’ miftuħa sas-26 ta’ Awwissu.

Il-parteċipanti f’din l-esibizzjoni, flimkien ma’ artisti u artiġjani oħra tat-tafal, skulturi u nies tas-sengħa li jużaw it-tafal bħala l-mezz artistiku tagħhom, ilkoll se jesibixxu x-xogħlijiet tagħhom fil-pubbliku waqt il-Gozo Ceramics Festival li se jittella’ fis-7 ta’ Awwissu bejn il-5.00pm u l-10:30pm fit-triq prinċipali tal-bajja tax-Xlendi. 

Il-Ministru għal Għawdex Clint Camilleri qal li, “Ix-Xlendi sar sinonimu mal-festival taċ-ċeramika, l-uniku wieħed li jsir fil-Gżejjer Maltin. Fil-fatt, il-Gozo Ceramics Festival sar parti mill-kalendarju kulturali ta’ Għawdex u jattira lejh numru kbir ta’ Maltin, Għawdxin u turisti.” Huwa kompla jgħid li dawk li jżuru dan il-festival ikunu jistgħu jsegwu l-proċessi differenti użati, jaraw il-kumplessità tal-produzzjoni taċ-ċeramika, u japprezzaw il-ħafna stadji differenti li jrid jgħaddi minnhom xogħol taċ-ċeramika sakemm jiġu ppreżentati x-xogħlijiet tal-arti lesti.

Erba’ artisti taċ-ċeramika barranin se jingħaqdu mal-artisti lokali sabiex b’hekk dan il-festival jingħata dimensjoni internazzjonali. L-artisti jinsabu entużjasti ħafna u huwa ta’ pjaċir għalihom li jispjegaw u jwieġbu kwalunkwe mistoqsijiet mill-pubbliku.

It-tfal se jingħataw l-opportunità li jpinġu fuq iċ-ċeramika, jaħdmu t-tafal u jieħdu sehem f’attivitajiet oħra sabiex filwaqt li jkunu kreattivi, jitgħallmu aktar dwar iċ-ċeramika. 

Il-Ministru Clint Camilleri spjega li se jkun hemm ukoll sezzjoni fejn it-tfal jagħmlu maduma taċ-ċeramika għal mural intitolat ‘Natura’ u jiġu ggwidati biex jagħmlu l-impressjonijiet tagħhom biex jipproduċu maduma li tifforma mural li se jkun installat b’mod permanenti f’post prominenti fix-Xlendi.

Waqt dan il-Festival, il-bajja tax-Xlendi se tkun imżejna għall-okkażjoni b’torch lights, bnadar u dwal u se jkun hemm ukoll divertiment mużikali minn Michel Refalo u Tal-Fuklar Folk group.

STQARRIJA MILL-MINISTERU GĦAL GĦAWDEX: Titnieda d-disa’ edizzjoni tal-Gozo Ceramics Festival fix-Xlendi
STQARRIJA MILL-MINISTERU GĦAL GĦAWDEX: Titnieda d-disa’ edizzjoni tal-Gozo Ceramics Festival fix-Xlendi
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTRU U L-MINISTERU GĦAS-SAĦĦA  Id-Dipartiment tar-Radjoloġija f’San Vinċenz mistenni jaqbeż l-20,000 eżami fl-2026

PR261943

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTR...

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

Aktar Stqarrijiet Right arrow