Left arrow Mur Lura

STQARRIJA MILL-MINISTERU GĦAL GĦAWDEX U MIS-SEGRETARJU PARLAMENTARI GĦALL-FONDI EWROPEJ: Investiment ta’ €1.7 miljun minn Gozo Cottage

pr220974
Date Icon 20/07/2022

Il-fabbrika Gozo Cottage, li tinsab fil-kumpless Gozitano fix-Xewkija, qiegħda twettaq investiment ta’ €1.7 miljun bl-għajnuna ta’ fondi Ewropej sabiex issaħħaħ l-operat tagħha.

Il-Ministru għal Għawdex Clint Camilleri u s-Segretarju Parlamentari għall-Fondi Ewropej Chris Bonett żaru x-xogħlijiet li għaddejjin fuq dan l-investiment biex il-fabbrika tkun tista’ tipproduċi aktar prodotti lokali. 

Din il-fabbrika, li ilha tipproduċi ikel tipiku u tradizzjonali Għawdxi sa mill-2005, kienet waħda mill-ażjendi li bbenefikaw minn fondi Ewropej biex ikabbru, itejbu u jiżviluppaw prodotti ġodda.

Bħalissa għaddej ix-xogħol fuq impjant ġdid fejn jinħadmu prodotti tipiċi u agrikoli bħal ġbejniet, laħam ipproċessat, u ġamm. Għaddej ix-xogħol ukoll fuq winery fejn se jinxtara makkinarju biex jiġi prodott l-inbid Għawdxi. Dan l-investiment qiegħed isir bil-għan li jimmodernizza l-ipproċessar tal-produzzjoni, jiżviluppa prodotti ġodda, iżid l-effiċjenza, kif ukoll jespandi l-kapaċità tal-produzzjoni.

Il-Ministru Clint Camilleri feraħ lill-maniġment ta’ din il-kumpanija li b’għaqal u viżjoni irnexxilu jibbenefika minn fondi Ewropej biex mhux biss ikabbar l-operat billi jinvesti f’makkinarju modern, imma anke jipproduċi prodotti lokali ġodda. “Permezz ta’ dan l-investiment, il-kumpanija Gozo Cottage ser tassigura li prodotti tradizzjonali assoċjati ma’ Għawdex ikomplu jiġu pproċessati u jkunu disponibbli għall-konsumatur, u dan b’rispett sħiħ lejn il-wirt kulinari sinjur li writna minn ġenerazzjoni għall-oħra u li hu assoċjat ma’ din il-gżira”, sostna l-Ministru Camilleri.

Min-naħa tiegħu, is-Segretarju Parlamentari Chris Bonett qal li din il-fabbrika ngħatat €700,000 f’fondi Ewropej mill-Fond Agrikolu Ewropew għall-Iżvilupp Rurali. “Mill-pakkett il-ġdid tal-fondi Ewropej se naraw li nkomplu noħolqu aktar skemi sabiex aktar negozji u kumpaniji jibbenefikaw minn fondi li permezz tagħhom ikunu jistgħu jikbru u jiddiversifikaw u joffru prodott aħjar mhux biss lill-konsumatur lokali imma anki lit-turisti li jixtru l-prodott lokali waqt li jkunu għal btala f’Malta u Għawdex”, qal Chris Bonett. 

Id-Direttur ta’ Gozo Cottage Joseph Grech spjega li tul is-snin il-ħidma ta’ Gozo Cottage kienet tfisser ukoll li l-produtturi primarji Għawdxin, il-bdiewa u r-raħħala, ingħataw suq ġdid li dejjem qed jikber fejn ikunu jistgħu jbigħu l-prodottti tagħhom għas-suq turistiku u anki lokali. Is-Sur Grech qal li l-prodotti ġodda li qed jiġu żviluppati permezz ta’ dan l-investiment ġdid ser ikomplu jgħinu lis-settur agrikolu Għawdxi.

STQARRIJA MILL-MINISTERU GĦAL GĦAWDEX U MIS-SEGRETARJU PARLAMENTARI GĦALL-FONDI EWROPEJ: Investiment ta’ €1.7 miljun minn Gozo Cottage
STQARRIJA MILL-MINISTERU GĦAL GĦAWDEX U MIS-SEGRETARJU PARLAMENTARI GĦALL-FONDI EWROPEJ: Investiment ta’ €1.7 miljun minn Gozo Cottage
STQARRIJA MILL-MINISTERU GĦAL GĦAWDEX U MIS-SEGRETARJU PARLAMENTARI GĦALL-FONDI EWROPEJ: Investiment ta’ €1.7 miljun minn Gozo Cottage
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTRU U L-MINISTERU GĦAS-SAĦĦA  Id-Dipartiment tar-Radjoloġija f’San Vinċenz mistenni jaqbeż l-20,000 eżami fl-2026

PR261943

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTR...

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

Aktar Stqarrijiet Right arrow