Left arrow Mur Lura

STQARRIJA MILL-MINISTERU GĦAL GĦAWDEX: Titnieda l-‘Work Trial Scheme For Youths’

pr220880
Date Icon 29/06/2022

Il-Ministru għal Għawdex Clint Camilleri nieda l-‘Work Trial Scheme For Youths’. 

Din l-iskema hi intiża għaż-żgħażagħ biex dan is-sajf ikollhom opportunità jesperjenzaw id-dinja tax-xogħol ma’ entitajiet privati jew għaqdiet volontarji.

Il-‘Work Trial Scheme for Youths’ hi skema mmirata wkoll li tgħin liż-żgħażagħ ta’ bejn is-16 u l-20 sena fl-għażla tal-karriera tagħhom. 

Dawn iż-żgħażagħ se jkollhom l-opportunità jidħlu u jesploraw id-dinja tax-xogħol, biex b’hekk jiksbu l-esperjenza neċessarja għall-futur tagħhom.

Il-Ministru Clint Camilleri qal li l-gvern, apparti li qed jinvesti ħafna fiż-żgħażagħ fejn qed joffri diversi opportunitajiet, qiegħed ukoll jagħti widen u jilqa’ s-suġġerimenti u l-messaġġ b’saħħtu li qed tgħaddi din il-faxxa hekk importanti fis-soċjetà tagħna. 

Il-ministru semma wkoll li kull ma jmur, id-dinja tax-xogħol qed tinbidel b’mod drastiku, u llum il-ġurnata qed nisimgħu b’karrieri li huma totalment ġodda u ‘l bogħod minn dawk hekk imsejħa tradizzjonali u għalhekk jeħtieġ li l-istudenti, li ser ikunu l-ħaddiema ta’ għada, ikunu mħarrġa u mgħarrfa bl-opportunitajiet kbar li jeżistu.

Permezz ta’ din l-iskema, l-istudenti se jkollhom dħul ta’ €90 fil-ġimgħa, b’total ta’ €450 f’ħames ġimgħat.

Il-ministeru se jkun qed iħallas lil min iħaddem sa 20 siegħa fil-ġimgħa, imbagħad min iħaddem jista’ jagħżel li jagħti inċentiv lil dawn iż-żgħażagħ u jkompli jħaddimhom jew iżidilhom is-sigħat.

L-iskema ser tkun mifruxa fuq ħames ġimgħat bjen l-1 ta’ Awwissu u t-2 ta’ Settembru. 

L-applikazzjonijiet jiftħu min nhar it-Tnejn 4 ta’ Lulju u jagħlqu f’nofsinhar ta’ nhar il-Ġimgħa 8 ta’ Lulju 2022. 

L-applikazzjoni u informazzjoni oħra huma disponibbli online minn fuq is-sit www.mgoz.gov.mt jew mill-mobile app ‘mygozo’.

STQARRIJA MILL-MINISTERU GĦAL GĦAWDEX: Titnieda l-‘Work Trial Scheme For Youths’
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTRU U L-MINISTERU GĦAS-SAĦĦA  Id-Dipartiment tar-Radjoloġija f’San Vinċenz mistenni jaqbeż l-20,000 eżami fl-2026

PR261943

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTR...

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

Aktar Stqarrijiet Right arrow