Left arrow Mur Lura

STQARRIJA MILL-MINISTERU GĦAL GĦAWDEX: Il-Karnival Reġjonali ta’ Għawdex – edizzjoni speċjali

pr220662
Date Icon 19/05/2022

Il-Ministru għal Għawdex Clint Camilleri nieda l-programm uffiċjali tal-Karnival Reġjonali t’Għawdex – edizzjoni speċjali, organizzat mill-Kumitat Ċelebrazzjonijiet Nazzjonali u Reġjonali, fi ħdan il-ministeru. 

Il-Ministru Clint Camilleri qal li hu ta’ pjaċir li l-Karnival Reġjonali ta’ Għawdex ser jerġa’ jiġi organizzat wara nuqqas ta’ sentejn minħabba l-pandemija. Il-Ministru Camilleri spjega li din l-attività toffri valur u tagħti kontribut kemm soċjali kif ukoll ekonomiku lil Għawdex. 

“Għawdex stabbilixxa ruħu bħala destinazzjoni kulturali mill-aqwa matul l-aħħar snin u l-Karnival Reġjonali, organizzat mill-Ministeru għal Għawdex, hu wieħed mill-akbar manifestazzjonijiet ta’ dan. Għalhekk, se nkomplu ninvestu u nagħtu sostenn biex inkomplu nsaħħuħ,” qal il-Ministru Camilleri. 

Il-Ministru għal Għawdex qal li jinsab ċert li din l-edizzjoni speċjali ser tkun waħda ta’ suċċess u fakkar li l-ministeru, minkejja l-limitazzjonijiet marbuta mal-pandemija, xorta waħda organizza attivitajiet statiċi relatati mal-Karnival fi Frar. Hu rringrazzja lill-Kumitat Ċelebrazjonijiet Nazzjonali u Reġjonali kif ukoll it-Taqsima tal-Kultura fi ħdan id-Direttorat għall-Wirt Kulturali li qed jorganizza din l-edizzjoni speċjali tal-Karnival. 

Il-Ministru Camilleri rringrazzja wkoll lill-voluntiera għad-dedikazzjoni u l-ħin tagħhom fil-preparazzjonijiet għal din il-festa ta’ kuluri u briju, li fiha innifisha hi vetrina tat-talent Għawdxi. 

Mons. Dr. Joseph Vella Gauci, iċ-Chairman tal-Kumitat Ċelebrazzjonijiet Nazzjonali u Reġjonali, qal li minkejja d-diffikultajiet tal-pandemija, il-kumitat baqa’ impenjat li jorganizza Karnival matul l-aħħar sentejn. Hu esprima s-sodisfazzjon tiegħu li issa li l-miżuri tneħħew, il-kumitat lest biex jorganizza l-karnival fiċ-ċentru tal-Belt Victoria. 

Il-Karnival Reġjonali ta’ Għawdex ser jinżamm bejn il-Ġimgħa 20 u l-Ħadd, 22 ta’ Mejju. Il-programm jinsab fuq is-sit visitgozo.com.

STQARRIJA MILL-MINISTERU GĦAL GĦAWDEX: Il-Karnival Reġjonali ta’ Għawdex – edizzjoni speċjali
STQARRIJA MILL-MINISTERU GĦAL GĦAWDEX: Il-Karnival Reġjonali ta’ Għawdex – edizzjoni speċjali
STQARRIJA MILL-MINISTERU GĦAL GĦAWDEX: Il-Karnival Reġjonali ta’ Għawdex – edizzjoni speċjali
STQARRIJA MILL-MINISTERU GĦAL GĦAWDEX: Il-Karnival Reġjonali ta’ Għawdex – edizzjoni speċjali
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTRU U L-MINISTERU GĦAS-SAĦĦA  Id-Dipartiment tar-Radjoloġija f’San Vinċenz mistenni jaqbeż l-20,000 eżami fl-2026

PR261943

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTR...

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

Aktar Stqarrijiet Right arrow