Left arrow Mur Lura

STQARRIJA MIS-SEGRETARJAT PARLAMENTARI GĦALL-GVERN LOKALI: Jitnieda taħriġ tad-digital marketing għall-Kunsilli Lokali

pr220654
Date Icon 18/05/2022

Is-Segretarju Parlamentari għall-Gvern Lokali Alison Zerafa Civelli, flimkien mal-President tal-Assoċjazzjoni tal-Kunsilli Lokali Mario Fava, fetħu sessjoni ta’ taħriġ fuq digital marketing immirat għall-kunsilli lokali. Prinċipalment dan it-taħriġ jinkludi għarfien fuq social platforms tal-media. 

L-iskop ta’ dan it-taħriġ huwa sabiex il-kunsilliera jiggwadanjaw aktar għarfien ta’ kif jistgħu jagħmlu użu aħjar biex jimmassimizzaw l-użu tal-midja soċjali u kif jikkomunikaw b’mod effettiv mal-pubbliku. 

Is-Segretarju Parlamentari Zerafa Civelli saħqet li l-kunsilli lokali jwettqu ħafna xogħol favur il-ġid tar-residenti u l-lokalitajiet tagħna, u li r-residenti jeħtieġ li jkunu jafu bihom, inkluż ukoll id-diversi servizzi li jingħataw mill-kunsilli lokali. “Kemm domt inservi fil-kariga ta’ sindku rrealizzajt kemm ħafna mir-residenti ma jafux b’servizzi li l-kunsill lokali jkun qed jagħti fil-lokalità tagħhom,” qalet is-Segretarju Parlamentari Zerafa Civelli. 

Għaldaqstant, permezz ta’ dan it-taħriġ, il-kunsilli lokali ser ikollhom għodda li permezz tiegħu ser jkunu aktar viċin ir-residenti.

“Permezz tat-taħriġ li qegħdin norganizzaw illum għall-kunsilliera u għall-ħaddiema tal-kunsilli lokali, ser nassiguraw li l-messaġġ tagħna ser ikun aktar effettiv mar-residenti li nirrappreżentaw,” żied jgħid il-President Mario Fava. 

Is-Segretarju Parlamentari Zerafa Civelli kkonkludiet billi awgurat lill-kunsilliera li t-taħriġ ikun wieħed interessanti u utli għalihom, u li jkun mezz li jwassalhom viċin ir-residenti fil-lokalitajiet. 

STQARRIJA MIS-SEGRETARJAT PARLAMENTARI GĦALL-GVERN LOKALI: Jitnieda taħriġ tad-digital marketing għall-Kunsilli Lokali
STQARRIJA MIS-SEGRETARJAT PARLAMENTARI GĦALL-GVERN LOKALI: Jitnieda taħriġ tad-digital marketing għall-Kunsilli Lokali
STQARRIJA MIS-SEGRETARJAT PARLAMENTARI GĦALL-GVERN LOKALI: Jitnieda taħriġ tad-digital marketing għall-Kunsilli Lokali
STQARRIJA MIS-SEGRETARJAT PARLAMENTARI GĦALL-GVERN LOKALI: Jitnieda taħriġ tad-digital marketing għall-Kunsilli Lokali
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Ċertifikazzjoni internazzjonali tal-ogħla livell għad-dipartiment tar-radjoterapija fiċ-Ċentru tal-Onkoloġija Sir Anthony Mamo

PR261947

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA Ċ...

STQARRIJA MILL-MINISTERU GĦALL-EDUKAZZJONI U L-ISPORT  Aktar minn 1,800 student jiggradwaw mill-Università ta’ Malta

PR261946

STQARRIJA MILL-MINISTERU GĦALL-EDUKAZZJONI U L-ISPORT Aktar minn 1,800 stu...

Aktar Stqarrijiet Right arrow