Left arrow Mur Lura

​ STQARRIJA MILL-MINISTERU GĦAL GĦAWDEX L-akwadott f’Għawdex, ikona oħra tal-gżira, ser jiġi rrestawrat

pr220586
Date Icon 10/05/2022

Proġett ta’ restawr ħolistiku intiż biex jippreserva l-istruttura

Il-Ministru għal Għawdex Clint Camillieri ħabbar li ser jibda xogħol estensiv ta’ restawr fuq l-akwadott ta’ Għawdex. Dan il-proġett jinvolvi l-konsolidazzjoni strutturali u l-konservazzjoni tal-akwadott mibni mill-Ingliżi bejn l-1839 u l-1843 biex iwassal l-ilma minn Għar Ilma f’Kerċem lejn ir-Rabat.

Il-Ministru Camilleri spjega li lura fl-2017, it-taqsima tar-restawr fi ħdan il-Ministeru għal Għawdex kienet għamlet xi interventi biex il-ħsara li kienet akkumulat matul is-snin ma tkomplix tikber. 

“Dan ir-restawr tant meħtieġ ser jibda wara li tlestew l-istudji kollha neċessarji kif ukoll inħarġu l-permessi mill-awtoritajiet kompetenti. Ir-restawr estensiv ser jassigura li dan il-wirt storiku, li jinsab fil-punent tal-gżira, jiġi ppreservat u eventwalment jitgawda aktar,” qal il-Ministru għal Għawdex. 

Il-Ministru Camilleri fakkar li l-ministeru huwa impenjat biex jippreserva l-wirt kulturali li joffri Għawdex u dan qed isir b’investiment kapitali neċessarju f’diversi siti ta’ importanza storika. 

Id-Direttur għall-Wirt Kulturali fi ħdan il-Ministeru għal Għawdex John Xuereb qal li l-proġett huwa maqsum f’numru ta’ fażijiet, bl-ewwel fażi diġà lesta li kienet tinvolvi investigazzjoni ġeoloġika tas-sottoħamrija bil-għan ewlieni li wieħed jifhem in-natura tal-pedamenti tal-akwadott u biex jiddetermina l-kompożizzjoni tal-istrati ġeoloġiċi sottostanti. Fit-tieni fażi tal-proġett, li se jibda fil-ġimgħat li ġejjin, se jsir shoring temporanju mal-arkata prinċipali filwaqt li t-tielet u l-aħħar fażi tal-proġett se tiffoka fuq il-konsolidazzjoni strutturali tal-pedamenti u l-konservazzjoni tal-akwadott.

Dan il-proġett qed isir minn tim multidixxiplinarju ta’ esperti mmexxi mill-perit tal-konservazzjoni Dr Hermann Bonnici u huwa stmat li ser jiswa €2 miljun. Il-proġett se jitlesta sal-aħħar tal-2025.

​ STQARRIJA MILL-MINISTERU GĦAL GĦAWDEX L-akwadott f’Għawdex, ikona oħra tal-gżira, ser jiġi rrestawrat
​ STQARRIJA MILL-MINISTERU GĦAL GĦAWDEX L-akwadott f’Għawdex, ikona oħra tal-gżira, ser jiġi rrestawrat
​ STQARRIJA MILL-MINISTERU GĦAL GĦAWDEX L-akwadott f’Għawdex, ikona oħra tal-gżira, ser jiġi rrestawrat
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTRU U L-MINISTERU GĦAS-SAĦĦA  Id-Dipartiment tar-Radjoloġija f’San Vinċenz mistenni jaqbeż l-20,000 eżami fl-2026

PR261943

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTR...

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

Aktar Stqarrijiet Right arrow