STQARRIJA MILL-UFFIĊĊJU TAL-ISPEAKER
pr220416
27/03/2022
L-Ispeaker tal-Kamra tad-Deputati Dr Anġlu Farrugia ħalla Malta biex jipparteċipa fil-Konferenza tal-Ispeakers tal-Parlamenti tal-Istati Membri tal-Unjoni Ewropea li se tinżamm fl-Islovenja fit-28 u d-29 ta' Marzu 2022.
Din hija konferenza li tinżamm mill-Parlament ta' dak l-istat membru li jkollu l-Presidenza tal-Kunsill tal-Unjoni Ewropea fit-tieni nofs tas-sena li tkun għadha kif għaddiet. Hija din ir-raġuni li din id-darba din il-konferenza qed tiġi organizzata mill-Assemblea Nazzjonali u mill-Kunsill Nazzjonali tal-Islovenja.
It-temi fuq l-aġenda jinkludu l-irwol tal-parlamenti waqt kriżijiet u kif l-Unjoni Ewropea tista' toffri garanzija ta' stabbiltà, sigurtà u prosperità fir-reġjun u lil hinn.
Stqarrijiet Oħra:
PR261948
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA ...
PR261947