Left arrow Go Back

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U L-MINISTERU GĦALL-INKLUŻJONI, IL-KWALITÀ TAL-ĦAJJA U L-VOLONTARJAT Skema biex titnaqqas il-lista ta’ stennija għall-occupational therapy fis-CDAU

pr220286
Date Icon 01/03/2022

Id-Deputat Prim Ministru u Ministru għas-Saħħa Chris Fearne u l-Ministru għall-Inklużjoni, il-Kwalità tal-Ħajja u l-Volontarjat Julia Farrugia Portelli ħabbru skema li se tnaqqas il-lista ta' stennija preżenti li hemm għas-servizzi tal-Occupational Therapy fiċ-Child Development Assessment Unit (CDAU).

Fil-ġimgħat li ġejjin se tkun qed toħroġ skema li permezz tagħha occupational therapists privati se jkunu jistgħu joffru s-servizzi tagħhom għall-pazjenti tas-CDAU u jħallas għalihom il-Gvern.

Id-Deputat Prim Ministru Chris Fearne spjega kif madwar id-dinja kollha kien hemm numru ta' servizzi tas-saħħa li minħabba l-pandemija kellhom jitwaqqfu jew jiġu limitati. F'Malta ukoll, tul l-eqqel tal-pandemija, kien hemm servizzi li kellhom jitwaqqfu għal xi żmien, biex ir-riżorsi umani intużaw fejn kien aktar urġenti bil-konsegwenza li żdiedu ċertu listi ta' stennija.

“F'ħafna setturi bħal fl-MRI rnexxielna nerġgħu nnaqsu ż-żmien ta' stennija għal dak li kien qabel il-COVID-19 u anke aħjar, l-istess f'numru t'operazzjonijiet oħra. Dan sar anke permezz ta' kollaborazzjoni mal-privat, fejn isir outsourcing ta' numru ta' servizzi. Huwa dan l-istess kunċett li qegħdin indaħħlu fl-Occupational Therapy tat-tfal," qal id-Deputat Prim Ministru.

Id-Deputat Prim Ministru Fearne spjega li fejn jidħol dan is-servizz fl-aħħar snin kien hemm żewġ sfidi prinċipali li tawwal iż-żmien ta' stennija, il-pandemija u kif ukoll azzjonijiet industrijali mal-UĦM li tefgħu l-appuntamenti aktar lura. Huwa fisser kif l-iskema imħabbra tippermetti li japplikaw occupational therapists li jaħdmu mal-privat, u kif ukoll dawk li jaħdmu fis-settur pubbliku li jkunu diġà laħqu l-kwota ta' pazjenti tul il-ħin normali tax-xogħol. Huwa rringrazzja lill-ħaddiema tas-CDAU għax-xogħol li jagħmlu mat-tfal li jattendu għas-servizzi.

Il-Ministru għall-Inklużjoni, il-Kwalità tal-Ħajja u l-Volontarjat Julia Farrugia Portelli spjegat li dan hu pass kruċjali u meħtieġ għall-inklużjoni. Saħqet li hi kruċjali l-early intervention u li ssir dijanjosi bikrija sabiex tiġi identifikata malajr il-kundizzjoni tat-tifel jew tifla li l-professjonisti jkollhom quddiemhom u t-tfal b'diżabilità jibdew jieħdu t-terapija mill-aktar fis possibbli.

Il-Ministru Farrugia Porteli qalet ukoll li bl-istess mod l-occupational therapy li tkun meħtieġa tkun tista' tibda tingħata mingħajr dewmien u ma jintilfux snin kruċjali fl-iżvilupp tat-tfal.

Waqt l-istess konferenza tal-aħbarijiet, id-Deputat Prim Ministru u Ministru għas-Saħħa stqarr li wara diskussjonijiet bejn l-Awtoritajiet għas-Saħħa u l-Kurja, immexxija mill-Arċisqof Charles Scicluna, kien deċiz li l-attivitajiet bilwieqfa se jkunu permessi mill-10 ta' April 2022.

Dwar il-persuni li ġejjin mill-Ukraina għall-ażil, id-Deputat Prim Ministru Fearne spjega li se ssir eċċezzjoni mir-restrizzjonijiet marbuta mal-pajjiżi tal-lista l-ħamra skura, sabiex dawn il-persuni jidħlu f'pajjiżna, dan filwaqt li f'dan il-każ biss, l-kwarantina ta' 14-il jum tista' ssir f'residenza privata identifikata, minflok fil-lukanda tal-kwarantina jekk dawn il-persuni ikollhom din l-opportunità. Huwa tenna li din l-eċċezzjoni tingħaqad mal-għajnuna umanitarja li Malta qed toffri lill-Ukraina, permezz ta' kordinazzjoni mal-HERA, li biha pajjiżna qed joffri li jibgħat mediċini u jilqa' pażjenti tal-onkoloġija għall-kura fis-Sir Anthony Mamo Oncology Center.

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U L-MINISTERU GĦALL-INKLUŻJONI, IL-KWALITÀ TAL-ĦAJJA U L-VOLONTARJAT Skema biex titnaqqas il-lista ta’ stennija għall-occupational therapy fis-CDAU
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U L-MINISTERU GĦALL-INKLUŻJONI, IL-KWALITÀ TAL-ĦAJJA U L-VOLONTARJAT Skema biex titnaqqas il-lista ta’ stennija għall-occupational therapy fis-CDAU
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U L-MINISTERU GĦALL-INKLUŻJONI, IL-KWALITÀ TAL-ĦAJJA U L-VOLONTARJAT Skema biex titnaqqas il-lista ta’ stennija għall-occupational therapy fis-CDAU
Share this Press Release Icon socials Icon socials Icon socials Icon socials

Other Press Releases:

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

 STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI Jingħata rikonoxximent lill-kunsilli tal-istudenti

PR261950

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI ...

More Press Releases Right arrow