Left arrow Mur Lura

STQARRIJA MILL-MINISTERU GĦALL-AFFARIJIET BARRANIN U EWROPEJ: Il-komunità Ukrena f’Malta tiltaqa’ mal-Ministru Evarist Bartolo

pr220285
Date Icon 01/03/2022

Rappreżentanti tal-komunità Ukrena f'Malta esprimew l-apprezzament tagħhom għall-appoġġ massiv tal-gvern Malti u taċ-ċittadini Maltin lill-poplu Ukren f'dawn iż-żminijiet diffiċli, waqt laqgħa mal-Ministru għall-Affarijiet Barranin u Ewropej Evarist Bartolo fil-Ministeru għall-Affarijiet Barranin u Ewropej fil-Belt Valletta.

Id-delegazzjoni Ukrena, immexxija mis-Sinjura Anna Syurma, Assistent Konsulari fil-Konsulat tal-Ukrajna f'Malta, rringrazzjat lill-gvern Malti għall-għoti ta' assistenza medika lill-poplu Ukren u ddiskutiet ukoll arranġamenti potenzjali għall-ivvjaġġar għal dawk l-Ukreni li jkollhom bżonn jiġu Malta.

Il-Ministru Evarist Bartolo qal lid-delegazzjoni Ukrena li t-traġedja Ukrena mmobilizzat is-solidarjetà mal-poplu Ukren kemm ġewwa kif ukoll barra l-Unjoni Ewropea. Huwa żied jgħid li l-gvern Malti se jkompli jiddefendi l-interessi tal-poplu Ukren fil-fora internazzjonali kollha.

Is-Sinjura Anna Syurma, akkumpanjata mis-Sinjura Alexia Melkonyan u s-Sinjura Anna Turanska, rappreżentanti tal-komunità Ukrena f'Malta, qalet li l-komunità Ukrena f'Malta tinsab magħquda bit-tama li din it-traġedja tintemm dalwaqt. Qalu li din mhix aggressjoni mill-poplu Russu u li ta' kuljum ċittadini Russi  jikkuntattjawhom u jesprimu l-appoġġ tagħhom lill-poplu Ukren. Huma rringrazzjaw lill-poplu Malti u Għawdxi għall-għajnuna mogħtija, u qalu li lista ta' oġġetti meħtieġa fl-Ukrajna tista' tinkiseb mill-paġna ta' Facebook Honorary Consulate of Ukraine in Malta.

Għal-laqgħa attenda wkoll is-Sur John Debono, Ambaxxatur Mhux Residenti għall-Ukrajna.

STQARRIJA MILL-MINISTERU GĦALL-AFFARIJIET BARRANIN U EWROPEJ: Il-komunità Ukrena f’Malta tiltaqa’ mal-Ministru Evarist Bartolo
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSUMER PROTECTION  €1.16 million to strengthen the resilience of coastal wetlands

PR261949en

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSU...

STQARRIJA MILL-MINISTERU GĦALL-FONDI EWROPEJ, ID-DJALOGU SOĊJALI U L-PROTEZZJONI TAL-KONSUMATUR  €1.16 miljun biex tissaħħaħ ir-reżiljenza tal-ekosistemi mistagħdra kostali

PR261949

STQARRIJA MILL-MINISTERU GĦALL-FONDI EWROPEJ, ID-DJALOGU SOĊJALI U L-PROTEZ...

Aktar Stqarrijiet Right arrow