Left arrow Go Back

STQARRIJA MILL-KUMMISSJONI ELETTORALI Elezzjoni Ġenerali – Marzu 2022

pr220271
Date Icon 25/02/2022

Ġurament li jsir barra minn Malta

Il-Kummissjonarji Elettorali javżaw illi votanti li ser ikunu barra minn Malta sat-18 ta' Marzu 2022 u li minħabba mard jew safar mhux ser ikunu jistgħu jivvotaw fis-26 ta' Marzu 2022 li saru arranġamenti biex ikunu jistgħu japplikaw bil-ġurament biex jivvotaw fid-19 ta' Marzu.

Din l-applikazzjoni bil-ġurament tista' ssir fl-eqreb Ambaxxata jew Kummissjoni Għolja u jittieħed l-ġurament quddiem Kummissarju għall-Ġuramenti hemmhekk.

Applikanti li huma votanti rreġistrati fuq Malta jivvotaw fil-Kumpless tal-Għadd tal-Voti n-Naxxar waqt li dawk irreġistrati fuq Għawdex jivvotaw fl-Experimental Farm tal-Gvern fix-Xewkija, Għawdex.  Il-ħinijiet tal-votazzjoni jkunu mis-7.00am sal-10.00pm u kull votant irid jippreżenta d-Dokument tal-Vot tiegħu.

Lista ta' dawn il-Kummissarji għall-Ġuramenti tinsab murija fil-websajt tal-Kummissjoni Elettorali, https://electoral.gov.mt/OathsMT.  Fil-lista hemm ukoll l-indirizz elettroniku biex min hu interessat ikun jista' jagħmel appuntament.

Id-dikjarazzjoni ġuramentata (skenjata) trid tasal għand il-Kummissjoni Elettorali fuq advancedvoting.electoral@gov.mt sa mhux iżjed tard minn nofsinhar (ħin ta' Malta) tal-Ġimgħa, 18 ta' Marzu, 2022.  Il-Kummissjoni Elettorali toħroġ riċevuta għal kull applikazzjoni bil-ġurament li tirċievi li tintbagħat fuq indirizz ta' email li l-votant jista' jikkwota fuq il-ġurament.

Share this Press Release Icon socials Icon socials Icon socials Icon socials

Other Press Releases:

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

 STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI Jingħata rikonoxximent lill-kunsilli tal-istudenti

PR261950

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI ...

More Press Releases Right arrow