Left arrow Mur Lura

STQARRIJA MILL-MINISTERU GĦALL-ANZJANI U L-ANZJANITÀ ATTIVA Investiment ta’ aktar minn €2 miljun f’erba’ proġetti f’San Vinċenz de Paul

pr220256
Date Icon 23/02/2022

Il-Ministru għall-Anzjani u l-Anzjanità Attiva Michael Farrugia ħabbar li se jsir investiment ta’ €2 miljun f’erba’ proġetti differenti għall-anzjani f’San Vincenz de Paul. Dan wara taħdidiet bejn it-tmexxija ta’ San Vincenz de Paul u l-Welfare Committee.

F’konferenza tal-aħbarijiet, il-Ministru Farrugia qal li dawn il-proġetti huma turija tal-pjanijiet u l-impenn li għandu l-gvern għall-futur biex jitgawdew mill-anzjani.

L-ewwel proġett jikkonsisti fil-bdil tas-sodod kollha f’San Vinċenz de Paul għal sodod elettriċi u jinxtara apparat mediku ieħor, b’nefqa totali li se tammonta għal madwar miljun ewro.

It-tieni proġett jinvolvi r-rinovazzjoni tal-aħħar zewġ swali antiki f’San Vinċenz de Paul. Fihom se jsir tisbiħ fit-tqassim ġenerali tas-swali, modernizzar tas-servizzi, u sistemi effiċjenti ta’ enerġija. Dan il-proġett se jitlesta fi żmien 18-il xahar minn meta jibda, u mistenni jiswa madwar €800,000.

It-tielet proġett huwa ftehim mas-settur privat biex tispiċċa l-lista ta’ stennija għad-dentaturi tal-anzjani, kemm dawk residenti f’San Vinċenz de Paul u dawk fid-djar tal-anzjani, b’investiment ta’ €100,000.

L-aħħar proġett se jara li s-servizz tal-Wi-Fi f’San Vinċenz de Paul jinfirex f’kull żona, b’mod speċjali ħdejn is-sodod tal-anzjani. Dan wara s-suċċess ta’ proġett pilota li kien sar is-sena li għaddiet fejn is-servizz tal-Wi-Fi ġie installat fi blokka ta’ San Vinċenz. L-investiment għal dan il-proġett huwa ta’ madwar €200,000.

Il-Ministru Michael Farrugia rringrazzja lill-membri tal-Welfare Committee għall-kontribut tagħhom fid-diskussjonijiet li saru bejn il-Ministeru għall-Anzjani u l-Anzjanità Attiva u uffiċjali ta’ San Vinċenz.  

“Ħidma kontinwa qed twassal biex inġibu kemm jista’ jkun fondi, minbarra dawk kapitali u dawk mill-UE, li jissarfu f’benefiċċji għall-anzjani”, temm jgħid il-Ministru Michael Farrugia.

STQARRIJA MILL-MINISTERU GĦALL-ANZJANI U L-ANZJANITÀ ATTIVA Investiment ta’ aktar minn €2 miljun f’erba’ proġetti f’San Vinċenz de Paul
STQARRIJA MILL-MINISTERU GĦALL-ANZJANI U L-ANZJANITÀ ATTIVA Investiment ta’ aktar minn €2 miljun f’erba’ proġetti f’San Vinċenz de Paul
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

 STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI Jingħata rikonoxximent lill-kunsilli tal-istudenti

PR261950

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI ...

Aktar Stqarrijiet Right arrow