Left arrow Mur Lura

STQARRIJA MILL-MINISTERU GĦALL-AKKOMODAZZJONI SOĊJALI U MIS-SEGRETARJAT PARLAMENTARI GĦAĊ-ĊITTADINANZA U L-KOMUNITAJIET

pr220252
Date Icon 22/02/2022

Jitħabbru 7 proġetti f'5 lokalitajiet b'kollaborazzjoni bejn il-Housing Development Fund tal-Awtorità tad-Djar, l-Aġenziji Komunitá Malta, u Residenza Malta

Il-Ministru għall-Akkomodazzjoni Soċjali Roderick Galdes flimkien mas-Segretarju Parlamentari għaċ-Ċittadinanza u l-Komunitajiet Alex Muscat, indirizzaw konferenza tal-aħbarijiet f'Ħ'Attard, fejn ħabbru seba' proġetti ta' tisbiħ, tħaddir u żvilupp urban f'5 lokalitajiet f'Malta, li se jsiru permezz tal-intervent tal-Housing Development Fund, fond speċjali fi ħdan l-Awtorità tad-Djar, bi flus mgħoddija mill-Aġenzija Komunità Malta u Residenza Malta.

Dawn il-proġetti li se jieħdu l-forma ta' xogħlijiet estensivi f'żewġ ġonna fil-Mosta, żewġ kumplessi sportivi fis-Siġġiewi, ir-rinovazzjoni u t-titjib ta' kumpless sportiv ewlieni f'Ħal Qormi, spazju aħdar ieħor fil-Kalkara, u ġnien f'Ħ'Attard, li se jsiru realtà permezz ta' investiment ta' aktar minn miljun ewro. Dawn il-proġetti jifformaw parti minn kullana usà ta' inizjattivi li qed jitfasslu mill-Housing Development Fund bl-għan li dan il-fond jtejjeb il-kwalità tal-ħajja ta' residenti li jgħixu f'żoni residenzjali urbani, kemm dawk viċin proġetti ta' akkommodazzjoni soċjali, kif ukoll f'ibliet u rħula oħra.

Il-Ministru Roderick Galdes sostna li “l-ibliet u rħula tagħna huma darna, daqs kemm huma darna il-proprjetà residenzjali tagħna. Din il-viżjoni mmotivatna li noħolqu l-Housing Development Fund, fond li diġà qed jagħti l-frott mixtieq għaliex illum qiegħdin inħabbru 7 proġetti bżonnjużi f'5 lokalitajiet madwar Malta".

Il-kollaborazzjoni bejn il-Ministeru għall-Akkomodazzjoni Soċjali u s-Segretarjat Parlamentari għaċ-Ċittadinanza u l-Komunitajiet sejra tissarraf fi spazji ġodda jew mtejba ta' rikreazzjoni sportiva għal mijiet ta' żgħażagħ u atleti promettenti, kif ukoll spazji ħodor ġodda fil-qalba ta' ċentri urbani.

Il-Ministru Roderick Galdes tenna li “din il-viżjoni konġunta hija dik li wasslitna s'hawn, viżjoni li trid tara l-iżvilupp tal-pajjiż f'termini moderni, iżda żvilupp li jżid il-valur fil-kwalità tal-ħajja tan-nies. Dan jista' jsir biss jekk nieħdu bis-serjetà l-investiment fl-ambjent urban, u fit-tessut soċjali, ċiviku, kulturali u sportiv li huwa essenzjali biex jiffurmaw u jiġu sostnuti komunitajiet b'saħħithom fiż-żoni urbani tagħna".

Min-naħa tiegħu s-Segretarju Parlamentari għaċ-Ċittadinanza u l-Komunitajiet Alex Muscat stqarr li l-inizjattivi Maltin ta' ċittadinanza u residenza kienu sa ftit ilu kunċetti ġodda għal pajjiżna. “Illum, ħafna qed jiġu fuqna u jgħidulna li mnalla kienu fondi minn dawn l-inizjattivi, għax ħajjithom inbidlet bis-saħħa tagħhom. Illum, ħafna qed jifhmu li l-inizjattivi rigorużi immens ta' pajjiżna qed isarrfu f'ġid li qed jasal fil-komunità. Speċjalment f'mumenti ta' bżonn", żied jgħid Alex Muscat. “Li jkollok ruħ soċjali tfisser li toħloq il-ġid, li ma jibqax x'imkien magħluq f'kaxxa fejn ma tarah qatt, imma li jintuża biex ibiddel ħajjet in-nies għall-aħjar, kif inhu l-każ f'dawn il-proġetti ta' tisbiħ", ikkonkluda s-Segretarju Parlamentari.

STQARRIJA MILL-MINISTERU GĦALL-AKKOMODAZZJONI SOĊJALI U MIS-SEGRETARJAT PARLAMENTARI GĦAĊ-ĊITTADINANZA U L-KOMUNITAJIET
STQARRIJA MILL-MINISTERU GĦALL-AKKOMODAZZJONI SOĊJALI U MIS-SEGRETARJAT PARLAMENTARI GĦAĊ-ĊITTADINANZA U L-KOMUNITAJIET
STQARRIJA MILL-MINISTERU GĦALL-AKKOMODAZZJONI SOĊJALI U MIS-SEGRETARJAT PARLAMENTARI GĦAĊ-ĊITTADINANZA U L-KOMUNITAJIET
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

 STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI Jingħata rikonoxximent lill-kunsilli tal-istudenti

PR261950

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI ...

Aktar Stqarrijiet Right arrow