Left arrow Mur Lura

STQARRIJA MILL-MINISTERU GĦALL-ANZJANI U L-ANZJANITÀ ATTIVA Sessjonijiet dwar il-futbol għall-anzjani fi djar tal-gvern

pr220239
Date Icon 19/02/2022

Permezz ta' proġett pilota li se jitħaddem f'numru ta' djar tal-anzjani tal-gvern, se jiġu organizzati sessjonijiet dwar il-futbol mill-Malta Football Association. Dan grazzi għal ftehim iffirmat bejn id-Dipartiment tal-Anzjanità Attiva u Kura fil-Komunità u l-Malta Football Association. Il-proġett, #mytime, minbarra li qed jiffaċilita l-kollaborazzjoni bejn iż-żewġ partijiet, se jkun qed jikkumplimenta numru ta' attivitajiet li jiġu organizzati mid-dipartiment lill-anzjani biex l-anzjani jibqgħu jgħixu ħajja ta' kwalità tajba.

Il-Ministru għall-Anzjani u l-Anzjanità Attiva Michael Farrugia, fi tmiem l-iffirmar tal-ftehim, spjega li għal dan il-proġett pilota ġew identifikati sebat idjar, li huma tal-Mosta, tal-Imtarfa, tal-Furjana, tal-Mellieħa, ta' Bormla, Dar Żammit Clapp, u dik taz-Żejtun. Il-ministru qal li s-sessjonijiet se jkunu offruti kważi kollha mingħajr ħlas, għajr għal meta jkun hemm dħul għal logħob kompetittiv, fejn il-prezz xorta se jkun wieħed issussidjat. Huwa qal ukoll li t-trasport għall-attivitajiet se jkun ipprovdut mid-dipartiment. 

Il-programm jinkludi s-sessjonijiet li ġejjin:

  • Sessjoni ta' introduzzjoni mal-Football Social Responsibility Department;
  • Żjara fl-istadium;
  • Żjara fil-mużew tal-futbol u laqgħa mal-plejers tat-tim nazzjonali;
  • Sessjoni ta' walking football jew attivitajiet fiżiċi adattati skont il-bżonnijiet tal-parteċipanti;
  • Dħul sussidjat għall-istadium biex l-anzjani jaraw logħob tal-futbol magħżula mill-parteċipanti.

Il-Ministru Michael Farrugia qal li l-MFA se toffri s-sessjonijiet mal-anzjani u kull koordinazzjoni meħtieġa mal-kelliema, tutors, l-istadium u l-mużew, materjal inkluż. Huwa qal li l-MFA se tiżgura li kull attività fiżika kkoordinata għall-parteċipanti tkun sigura u adattata skont il-kapaċitajiet tal-istess parteċipanti.

STQARRIJA MILL-MINISTERU GĦALL-ANZJANI U L-ANZJANITÀ ATTIVA Sessjonijiet dwar il-futbol għall-anzjani fi djar tal-gvern
STQARRIJA MILL-MINISTERU GĦALL-ANZJANI U L-ANZJANITÀ ATTIVA Sessjonijiet dwar il-futbol għall-anzjani fi djar tal-gvern
STQARRIJA MILL-MINISTERU GĦALL-ANZJANI U L-ANZJANITÀ ATTIVA Sessjonijiet dwar il-futbol għall-anzjani fi djar tal-gvern
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

 STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI Jingħata rikonoxximent lill-kunsilli tal-istudenti

PR261950

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI ...

Aktar Stqarrijiet Right arrow