Left arrow Go Back

STQARRIJA MILL-UFFIĊĊJU TAD-DEPUTAT PRIM MINISTRU U L-MINISTERU GĦAS-SAĦĦA Iffirmat ftehim settorali ġdid mat-tobba

pr220227
Date Icon 18/02/2022

Il-Ministeru għas-Saħħa u l-Assoċjazzjoni Medika Maltija (MAM) iffirmaw ftehim settorali ġdid li se jkopri s-snin 2022 – 2026. Dan il-ftehim se jolqot 1,600 professjonist mediku, fosthom konsulenti, speċjalisti u general practitioners li joffru s-servizzi tagħhom lis-settur pubbliku.

Il-ftehim il-ġdid se jkopri realtajiet ġodda fil-qasam mediku li bdew jinħassu aktar mill-pandemija ’l hawn bħalma hu s-servizz tat-telemedicine.

F’kumment li ta wara l-iffirmar tal-ftehim, id-Deputat Prim Ministru u l-Ministru għas-Saħħa Chris Fearne qal li dan il-ftehim settorali se jagħmilha aktar faċli biex jintużaw aħjar ir-riżorsi kollha li għandu l-pajjiż, fost l-oħrajn billi s-servizzi tas-saħħa jibqgħu jaħdmu bl-aħjar mod filgħaxijiet u fi tmiem il-ġimgħa, kif ukoll billi jingħataw iżjed servizzi barra mill-Isptar Mater Dei. Id-Deputat Prim Ministru rringrazzja lil kull min kien involut fin-negozjati li bdew f’Marzu tas-sena li għaddiet u li wasslu għal konklużjoni pożittiva.  

Min-naħa tiegħu, il-President tal-MAM Dr Martin Balzan qal li dan il-ftehim ikompli jibni fuq it-tajjeb li diġà kien hemm u li huwa ta’ benefiċċju mhux biss għat-tobba, imma anke għas-servizz tas-saħħa u għall-pazjenti kollha. Huwa rringrazzja lill-Ministeru għas-Saħħa tan-negozjati li rnexxew biex intlaħaq ftehim. 

STQARRIJA MILL-UFFIĊĊJU TAD-DEPUTAT PRIM MINISTRU U L-MINISTERU GĦAS-SAĦĦA Iffirmat ftehim settorali ġdid mat-tobba
Share this Press Release Icon socials Icon socials Icon socials Icon socials

Other Press Releases:

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

 STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI Jingħata rikonoxximent lill-kunsilli tal-istudenti

PR261950

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI ...

More Press Releases Right arrow