Left arrow Mur Lura

STQARRIJA MILL-MINISTERU GĦALL-AMBJENT, IT-TIBDIL FIL-KLIMA U L-IPPJANAR U MILL-MINISTERU GĦALL-EDUKAZZJONI U L-ISPORT Proġetti ta’ infrastruttura sportiva se jkunu eżentati mit-tariffi tal-ippjanar

pr220222
Date Icon 17/02/2022

L-iżvilupp sportiv f’Malta se jingħata spinta kbira hekk kif l-Awtorità tal-Ippjanar (PA) se tkun qed teżenta l-proġetti infrastrutturali sportivi kollha mid-Development Planning Fee (DPF) u l-Environment Fee. 

Dan tħabbar mill-Ministru għall-Ambjent, it-Tibdil fil-Klima u l-Ippjanar Aaron Farrugia u l-Ministru għall-Edukazzjoni u l-Isport Clifton Grima.

L-eżenzjoni tapplika għal proġetti sottomessi jew validati mill-1 ta’ Jannar 2021 ‘il quddiem. Illum, l-applikazzjonijiet kollha tal-ippjanar għal proġetti proposti minn Sports Malta jew entità reġistrata mal-Kunsill tal-Isport iħallsu €4.12 kull metru kwadru.

Il-proġetti jistgħu jinkludu bidla fl-użu ta’ faċilità jew żvilupp ġdid.

“Din hija wegħda elettorali oħra li wettaqna. L-għan tagħna huwa li nkomplu ngħinu u ninċentivaw lil għaqdiet sportivi reġistrati billi neżentawhom mit-tariffi u l-ispejjeż tal-applikazzjoni tal-Awtorità tal-Ippjanar għal progetti sportivi. Nemmnu li għandna nippromwovu l-iżvilupp tal-isport f’Malta u b’din il-miżura qed inħeġġu entitajiet sportivi = jinvestu fil-faċilitajiet tagħhom biex ikunu iktar aċċessibli. Entitajiet sportivi qed ngħinuhom ukoll permezz ta’ finanzjament għal proġetti tagħhom mid-DPF,” qal il-Ministru Farrugia. 

Il-Ministru Farrugia qal ukoll li dan il-fond, jipprovdi lill-kunsilli lokali, NGOs, u oħrajn bl-appoġġ finanzjarju meħtieġ biex ikunu proattivi u jwettqu proġetti li huma mmirati biex itejbu l-benesseri, l-ambjent, u d-dimensjoni soċjali tal-bliet u l-irħula tagħna.

Il-Ministru Clifton Grima tkellem dwar l-impenn tal-gvern biex kulħadd ikollu kwalità ta’ ħajja aħjar u enfasizza li dan jista’ jintlaħaq b’żewġ ħoloq importanti: l-edukazzjoni u l-isport. “Irridu li mhux biss kull tifel u tifla f’pajjiżna jkollhom l-aqwa u l-aħjar edukazzjoni, imma li kull tifel u tifla f’pajjiżna jkollhom l-opportunità li jipprattikaw l-isport li jixtiequ. Dan tal-lum huwa pass ieħor li wiegħdnieh u qed inwettquh. Qed ngħinu biex l-għaqdiet sportivi ninċentivawhom u b’hekk ikunu jistgħu jkomplu jinvestu fil-faċiliajiet sportivi tagħhom. Opportunità oħra biex dawn mhux biss iqumu fuq saqajhom, imma jkunu jistgħu jinvestu lura fl-isport, l-isportivi u l-komunità”, kompla l-Ministru Grima.

“Nemmnu bis-sħiħ li għandna responsabbiltà soċjali biex nippromwovu, ninċentivaw u nappoġġjaw l-iżvilupp tal-isport f’Malta. Dan mhux biss biex inkunu aktar kompetittivi fuq livell internazzjonali, iżda aktar importanti għaliex l-isport għandu l-abbiltà unika li jlaqqa’ lin-nies flimkien.” Qal is-Sur Martin Saliba, Chairperson Eżekuttiv tal-Awtorità tal-Ippjanar. Huwa temm jgħid li, “l-aktar importanti, permezz ta’ din il-miżura, hu li qed ninċentivaw lill-entitajiet sportivi biex jinvestu fil-faċilitajiet tagħhom biex jagħmluhom dejjem aktar aċċessibbli u adattatti għal persuni b’diżabbiltà biex jingħataw l-istess opportunità li jipparteċipaw u jsegwu avvenimenti sportivi”.

STQARRIJA MILL-MINISTERU GĦALL-AMBJENT, IT-TIBDIL FIL-KLIMA U L-IPPJANAR U MILL-MINISTERU GĦALL-EDUKAZZJONI U L-ISPORT Proġetti ta’ infrastruttura sportiva se jkunu eżentati mit-tariffi tal-ippjanar
STQARRIJA MILL-MINISTERU GĦALL-AMBJENT, IT-TIBDIL FIL-KLIMA U L-IPPJANAR U MILL-MINISTERU GĦALL-EDUKAZZJONI U L-ISPORT Proġetti ta’ infrastruttura sportiva se jkunu eżentati mit-tariffi tal-ippjanar
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

 STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI Jingħata rikonoxximent lill-kunsilli tal-istudenti

PR261950

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI ...

Aktar Stqarrijiet Right arrow