Left arrow Go Back

​STQARRIJA MILL-MINISTERU GĦAT-TRASPORT, L-INFRASTRUTTURA U L-PROĠETTI KAPITALI: Il-Ministru Ian Borg f’laqgħa tal-Kunsill tal-Ministri tal-Avjazzjoni fi Franza

pr220172
Date Icon 08/02/2022

Bħala parti mill-attivitajiet tal-Presidenza Franċiża għall-Kunsill tal-Unjoni Ewropea, il-Ministru għat-Trasport, l-Infrastruttura u l-Proġetti Kapitali Ian Borg kien f’laqgħat uffiċjali f’Toulouse f’isem il-Gvern Malti. Matul dawn il-laqgħat kienu diskussi pjanijiet prospettivi għas-settur tal-avjazzjoni.

Matul il-laqgħa tal-Ministri ġiet addottata d-Dikjarazzjoni ta’ Toulouse li tħares b’mod sħiħ lejn futur sostenibbli għas-settur tal-avjazzjoni kif ukoll lejn modi effettivi li jsarrfu fid-dekarbonizzazzjoni tas-settur.

Il-Ministru Ian Borg qal, “Ħafna jemmnu li din hija dikjarazzjoni storika li ser tibdel il-futur tal-avjazzjoni u ġġib tnaqqis fi tniġġis li dan jikkawża. Meta wieħed iqis l-impatt li kellha l-pandemija fuq dan is-settur fuq skala globali, ta’ min jinnota li Malta kienet minn tal-ewwel li qamet fuq saqajha sabiex dan is-settur, li huwa pilastru ewlieni għall-ekonomija tagħna, jerġa’ jibda jopera b’mod effettiv ħafna sabiex jkompli iħalli l-frott u jiġbed bosta investimenti lejn pajjiżna.”

F’din il-laqgħa ġew diskussi bosta premessi fosthom dwar l-irwol essenzjali tal-avjazzjoni fl-iżgurar u t-titjib tal-konnettività multimodali reġjonali kif ukoll fuq skala globali għall-Ewropa u l-bqija tad-dinja. Ġew diskussi wkoll pjanijiet dwar il-ħtieġa għall-azzjoni immedjata u adegwata biex tappoġġja u tinċentiva d-dekarbonizzazzjoni tal-avjazzjoni, speċjalment fid-dawl tal-ftehim ta’ Pariġi u s-sitt rapport ta’ valutazzjoni tal-Panel Intergovernattiv dwar it-Tibdil fil-Klima. 

Sar elenku wkoll għall-impenji klimatiċi tal-Unjoni Ewropea għall-2030 u l-2050 u l-pakkett Fitfor55.

Waqt din iż-żjara l-Ministri Ewropej żaru wkoll il-faċilitajiet tal-kumpanija internazzjonali AirBus li tipproduċi ajruplani għall-bosta linji tal-ajru.

​STQARRIJA MILL-MINISTERU GĦAT-TRASPORT, L-INFRASTRUTTURA U L-PROĠETTI KAPITALI: Il-Ministru Ian Borg f’laqgħa tal-Kunsill tal-Ministri tal-Avjazzjoni fi Franza
​STQARRIJA MILL-MINISTERU GĦAT-TRASPORT, L-INFRASTRUTTURA U L-PROĠETTI KAPITALI: Il-Ministru Ian Borg f’laqgħa tal-Kunsill tal-Ministri tal-Avjazzjoni fi Franza
​STQARRIJA MILL-MINISTERU GĦAT-TRASPORT, L-INFRASTRUTTURA U L-PROĠETTI KAPITALI: Il-Ministru Ian Borg f’laqgħa tal-Kunsill tal-Ministri tal-Avjazzjoni fi Franza
Share this Press Release Icon socials Icon socials Icon socials Icon socials

Other Press Releases:

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

 STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI Jingħata rikonoxximent lill-kunsilli tal-istudenti

PR261950

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI ...

More Press Releases Right arrow