Left arrow Mur Lura

STQARRIJA MILL-MINISTERU GĦALL-AFFARIJIET BARRANIN U EWROPEJ Malta u Spanja jiddiskutu sfidi komuni għaż-żewġ pajjiżi Mediterranji membri fl-Unjoni Ewropea

pr220162
Date Icon 04/02/2022

Malta u Spanja kellhom taħditiet dwar sfidi komuni bħala żewġ pajjiżi mill-Mediterran u membri tal-Unjoni Ewropea. Il-Ministru għall-Affarijiet Barranin Evarist Bartolo u l-Ministru tal-Affarijiet Barranin, l-Unjoni Ewropea u l-Koperazzjoni ta' Spanja, José Manuel Albares, f'laqgħa f'Madrid, affermaw mill-ġdid ir-relazzjonijiet bilaterali eċċellenti bejn Malta u Spanja u qasmu kliem ta' apprezzament għax-xogħol u għall-koperazzjoni matul il-pandemija tal-Covid-19. Iż-żewġ ministri kellhom taħditiet dwar l-immigrazzjoni, il-klima, l-enerġija u l-futur tal-Unjoni Ewropea. Ġie diskuss ukoll il-potenzjal li jeżisti biex tkompli tikber ir-relazzjoni bejn iż-żewg pajjiżi permezz ta' xogħol li qed isir f'oqsma tal-kultura, tal-arti, tal-edukazzjoni, tat-turiżmu u tal-internazzjonalizzazzjoni ta' intrapriżi Spanjoli f'Malta u viċe versa. Il-Ministru Albares ġie mistieden għal żjara uffiċjali f'Malta mill-Ministru Bartolo.

Il-laqgħa bejn iż-żewġ ministri saret waqt ġurnata ta' ħidma organizzata mill-Ambaxxata ta' Malta fi Spanja f'Madrid b'żewg avvenimenti li ffukaw fuq ir-reġjun tal-Amerika Latina u l-Karibew u intrapriżi Spanjoli interessati f'Malta, rispettivament. Dan seħħ b'kollaborazzjoni mal-Ministeru għall-Affarijiet Barranin u Ewropej, flimkien mal-Malta Enterprise, l-Awtorità tat-Turiżmu f'Malta kif ukoll bl-appoġġ tar-rivista Spanjola Diplomatica Exclusive.

Id-delegazzjoni Maltija kienet immexxija mill-Ministru għall-Affarijiet Barranin u Ewropej Evarist Bartolo li kien akkompanjat mis-Segretarju Permanenti Christopher Cutajar.

L-Amerika Latina u l-Karibew

Ir-reġjun tal-Amerika Latina u l-Karibew huwa wieħed b'potenzjal kbir u b'rabtiet importanti mal-Ewropa. L-Istrateġija l-ġdida tal-Politika Barranija ta' Malta tagħraf dan bil-għan identifikat għat-tkabbir fir-relazzjonijiet bejn Malta u dan ir-reġjun. Il-pajjiżi ta' dan ir-reġjun għandhom preżenza diplomatika qawwija f'Madrid, għal raġunijiet storiċi kif ukoll ta' rabta kummerċjali u kulturali, u għalhekk, il-belt toffri pjattaforma sabiex tikkumplimenta din il-ħidma. Għaldaqstant, l-ambaxxata, taħt id-direzzjoni tal-Ambaxxatur ta' Malta fi Spanja, Daniel Azzopardi, sejħet laqgħa għall-ambaxxaturi tal-pajjiżi ta' dan ir-reġjun, taħt it-tema, 'Skopri Malta: punt ta' nkontru fl-Unjoni Ewropea u l-Mediterran'.

Kummerċ

L-ambaxxata Maltija f'Madrid ingħaqdet mal-Kamra tal-Kummerċ ta' Madrid għal avveniment fejn ġew mistiedna intrapriżi bbażati fi Spanja u li huma interessati f'Malta. Il-laqgħa saret fis-sit prestiġjuż Palacio Santoña u attendew mas-70 intrapriża b'mod fiżiku u diversi oħrajn b'mod virtwali. Matul il-laqgħa, kien hemm diversi kelliema mid-delegazzjoni Maltija kif ukoll minn 3 kumpaniji Spanjoli li joperaw f'Malta.

STQARRIJA MILL-MINISTERU GĦALL-AFFARIJIET BARRANIN U EWROPEJ Malta u Spanja jiddiskutu sfidi komuni għaż-żewġ pajjiżi Mediterranji membri fl-Unjoni Ewropea
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

 STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI Jingħata rikonoxximent lill-kunsilli tal-istudenti

PR261950

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI ...

Aktar Stqarrijiet Right arrow