Left arrow Mur Lura

STQARRIJA MINN SERVIZZ.GOV Statistika dwar servizzi governattivi mogħtija lill-pubbliku

pr220156
Date Icon 04/02/2022

Fir-raba' kwart tas-sena, ġie inawgurat ċentru reġjonali ġdid. Dan sar proprju fil-bidu ta' Ottubru fis-Siġġiewi. servizz.gov offra assistenza f'Għawdex fl-istampar taċ-ċertifikat tal-vaċċin (COVID-19). F'dan il-kwart tas-sena, ġew irreġistrati ftit inqas minn 65,000 żjara fl-erbgħa u għoxrin ċentru reġjonali u fiż-żewġ ċentri tekniċi ta' servizz.gov f'Malta. L-iktar tliet ċentri reġjonali li laqgħu persuni kienu dawk taż-Żejtun, ta' Ħal Qormi u tal-Mosta.

Min-naħa l-oħra, l-iktar ċentru tekniku li laqa' persuni kien dak tat-Taxpayer Service servizz.gov. F'dan il-kwart tas-sena, ġew irreġistrati 10,029 żjara. Iċ-ċentru tal-Edukazzjoni, edu servizz.gov, irreġistra ftit iktar minn 1,900 żjara.

Matul Ottubru, Novembru u Diċembru, il-Freephone 153 wieġeb total ta' 196,029 telefonata. L-ikbar numru ta' mistoqsijiet kienu dwar is-sigurtà soċjali. F'Novembru, Freephone 153 beda jirċievi wkoll telefonati fuq REWS.

Ħarsa lejn il-one-stop-shop online turi li s-sit elettroniku www.servizz.gov.mt baqa' mfittex mill-klijenti ta' servizz.gov. Fil-fatt, fir-raba' kwart tas-sena, il-klijenti ta' servizz.gov aċċessaw is-sit 280,021 darba.

In-numru totali ta' downloads ta' mobile apps permezz tal-maltapps launcher kien ta' 9,910. L-iktar app popolari kienet dik ta' COVID Alert Malta, li tniżżlet 2,968 darba.

Min-naħa l-oħra, intbagħtu 12,549 ittra elettronika lil servizz@gov.mt, filwaqt li Ottubru kien l-aktar xahar li fih l-aġenzija rċeviet ittri elettroniċi.

servizz.gov għandu preżenza wkoll fuq il-midja soċjali kemm fuq Facebook kif ukoll fuq Instagram.

Dawn iċ-ċifri ħarġu minn statistika uffiċjali miġbura mill-aġenzija servizz.gov għar-raba' kwart tas-sena 2021.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

 STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI Jingħata rikonoxximent lill-kunsilli tal-istudenti

PR261950

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI ...

Aktar Stqarrijiet Right arrow