Left arrow Mur Lura

STQARRIJA MILL-UFFIĊĊJU TAL-PRIM MINISTRU Inawgurata lukanda ta’ tliet stilel fil-Mellieħa b’investiment ta’ €8 miljun

pr220155
Date Icon 04/02/2022

Il-Prim Ministru Robert Abela inawgura lukanda ta’ tliet stilel fil-Mellieħa b’investiment ta’ €8 miljun.

Il-lukanda Viu 57 Hotel toffri veduta unika tal-bajja pittoreska tal-Għadira u hija mgħammra b’57 kamra. 

Tul iż-żjara, il-Prim Ministru Robert Abela kellu ċ-ċans jispjega kif il-gvern se jkompli jinċentiva l-attività ekonomika anke b’inizjattivi bħar-rifużjoni tat-taxxa u bħaċ-ċekk addizzjonali li tħabbru lbieraħ u li se jfissru €70 miljun fil-but tan-nies.

Il-Prim Ministru Robert kellu wkoll l-opportunità jisma kif it-tmexxija tal-lukanda, minkejja l-isfida tal-pandemija, żammet magħha l-ħaddiema kollha, li jammontaw għal 15-il ruħ. Waqt iż-żjara fis-sulari diversi tal-lukanda, il-Prim Ministru ltaqa’ wkoll ma’ għadd ta’ ħaddiema minn dipartimenti diversi u rringrazzjahom tal-ħidma li jwettqu ta’ kuljum fis-settur tal-ospitalità, bil-għan li joffru l-aqwa esperjenza possibbli lit-turisti li jagħżlu lil pajjiżna. 

L-operatur tal-lukanda, Mark Camilleri, qal li minkejja l-effetti tal-pandemija, l-investiment baqa’ reżiljenti u b’saħħtu. 

“Jidher ukoll li minn Marzu ’l quddiem se jkollna numri tajbin u għandu jkollna staġun pożittiv,” qal is-Sur Camilleri. 

Il-kmamar kollha tal-lukanda joffru veduti mill-isbaħ li jagħtu għall-widien jew għall-Bajja tal-Mellieħa. Fost numru ta’ faċilitajiet oħra, Viu 57 Hotel hija mgħammra b’ristorant ġdid, b’infinity pool u b’servizzi oħra tal-ogħla livell. 

Preżenti matul l-inawgurazzjoni kien hemm il-Ministru għat-Turiżmu u l-Protezzjoni tal-Konsumatur Clayton Bartolo flimkien mal-kumplament tat-tmexxija tal-lukanda f’isem il-kumpanija Develeco Malta Ltd. 

STQARRIJA MILL-UFFIĊĊJU TAL-PRIM MINISTRU Inawgurata lukanda ta’ tliet stilel fil-Mellieħa b’investiment ta’ €8 miljun
STQARRIJA MILL-UFFIĊĊJU TAL-PRIM MINISTRU Inawgurata lukanda ta’ tliet stilel fil-Mellieħa b’investiment ta’ €8 miljun
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

 STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI Jingħata rikonoxximent lill-kunsilli tal-istudenti

PR261950

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI ...

Aktar Stqarrijiet Right arrow