Left arrow Go Back

STQARRIJA MILL-UFFIĊĊJU TAL-PRESIDENT Il-President iżur il-Kamra tal-Kummerċ

pr220148
Date Icon 02/02/2022

Il-President George Vella żar il-Kamra tal-Kummerċ fejn ġie milqugħ mill-President tal-Kamra Marisa Xuereb u mill-Uffiċjal Kap Eżekuttiv Marthese Portelli.  

Waqt iż-żjara, il-President Vella kellu taħdidiet mar-rappreżentanti tal-kamra fuq numru ta’ suġġetti u oqsma li jmissu mas-settur kummerċjali ta’ pajjiżna. Fuq quddiem kien hemm l-impatt tal-COVID fuq l-ekonomija Maltija u l-konsegwenzi għat-tul li ġabet magħha il-pandemija fuq livell dinji, u s-setturi tat-trasport internazzjonali u l-provvista u l-prezz tal-enerġija, anke fid-dawl tal-aħħar żviluppi, u t-taqlib fuq ix-xena globali.

It-taħdidiet indirizzaw ukoll l-irwol tal-edukazzjoni fit-tkabbir ekonomiku u kif dan il-qasam jolqot b’mod dirett is-setturi tal-kummerċ u tal-investiment. Temi oħra li ġew indirizzati kienu l-iżvilupp u l-ħarsien tal-ambjent, il-qasam tal-media, riformi li daħlu fis-seħħ u oħrajn li għaddej xogħol fuqhom. Fost l-oħrajn issemmew tibdiliet riċenti li għandhom x’jaqsmu ma’ ħatriet ta’ karigi kostituzzjonali kif ukoll ir-riforma tal-Kostituzzjoni.

F’kummenti wara ż-żjara, il-President George Vella radd ħajr lill-Kamra tal-Kummerċ għall-mod mirqum u studjat li bih tressqu suġġerimenti u proposti. Huwa żied li f’ċirkostanzi diffiċli bħal dawk li ġabet magħha il-pandemija, il-Kamra ta-Kummerċ għandha l-kapaċità u l-għodda meħtieġa li bihom tkompli tagħti kontribut tanġibbli għat-tisħiħ tal-pajjiż.

STQARRIJA MILL-UFFIĊĊJU TAL-PRESIDENT Il-President iżur il-Kamra tal-Kummerċ
STQARRIJA MILL-UFFIĊĊJU TAL-PRESIDENT Il-President iżur il-Kamra tal-Kummerċ
STQARRIJA MILL-UFFIĊĊJU TAL-PRESIDENT Il-President iżur il-Kamra tal-Kummerċ
STQARRIJA MILL-UFFIĊĊJU TAL-PRESIDENT Il-President iżur il-Kamra tal-Kummerċ
Share this Press Release Icon socials Icon socials Icon socials Icon socials

Other Press Releases:

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

 STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI Jingħata rikonoxximent lill-kunsilli tal-istudenti

PR261950

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI ...

More Press Releases Right arrow