Left arrow Mur Lura

STQARRIJA MILL-MINISTERU GĦALL-AGRIKOLTURA, IS-SAJD, L-IKEL U D-DRITTIJIET TAL-ANNIMALI Sistema ġdida għat-traċċabilità tal-inbid DOK Malta, DOK Gozo u IĠT Maltese islands

pr220104
Date Icon 26/01/2022

Waqt konferenza tal-aħbarijiet, il-Ministru għall-Agrikoltura, is-Sajd, l-Ikel u d-Drittijiet tal-Annimali Anton Refalo nieda sistema ġdida li se tibda tintuża għall-kontroll u għat-traċċabilità tal-inbid DOK Malta, DOK Gozo u IĠT Maltese islands. 

Id-Direttorat tal-Agrikoltura huwa l-awtorità kompetenti li tiggarantixxi u tiċċertifika l-produzzjoni tal-inbejjed DOK u IĠT. Apparti l-ispezzjonijiet u l-analiżi tal-inbejjed, jinvolvi ammont sostanzjali ta’ dokumentazzjoni, speċjalment fejn jidħlu rekords ta’ banderols li jiġu użati sabiex jiċċertifikaw l-inbid. 

Id-Direttur Ġenerali Saviour Debono Grech spjega kif sal-lum il-ġurnata dan il-proċess kien isir b’mod manwali, fejn jinvolvi ammont konsiderevoli ta’ xogħol kemm għall-produtturi tal-inbid, kif ukoll għall-impjegati fi ħdan id-direttorat. Kien għalhekk li mis-sena l-oħra d-direttorat beda jaħdem sabiex tiġi żviluppata sistema ta’ traċċabilità u kontroll elettronika. Minbarra li jiffaċilita l-proċess, ikun qed jiġi evitat ukoll l-użu ta’ ħafna karti. Permezz ta’ din is-sistema, kemm id-dipartiment u kif ukoll il-konsumatur se jkollu aċċess għall-pjattaforma interattiva li tista’ tiġi utilizzata b’sempliċiment mobile. 

Il-Ministru Anton Refalo enfasizza kif din is-sistema innovattiva, filwaqt li se żżomm l-aspetti ta’ sigurtà preżenti, se tinkorpora wkoll sistema elettronika li tissimplifika x-xogħol ta’ kontrolli li jagħmlu l-uffiċċjali, sabiex hekk tiżdied l-effiċjenza u l-ħarsien tal-prodott agrikolu tant valorizzat. Ma’ din it-teknoloġija, se jiġi introdott ukoll il-QR code li se jservi sabiex l-uffiċċjali jkunu jistgħu jwettqu kontrolli iktar veloċi u preċiżi meta dawn il-prodotti jkunu fis-suq. Il-QR code jista’ jiġi skannjat mill-pubbliku, jwassal għas-sit elettroniku u jagħti aċċess sabiex nifhmu aktar il-proċess li għadda minnu l-flixkun sakemm wasal fuq il-mejda.

STQARRIJA MILL-MINISTERU GĦALL-AGRIKOLTURA, IS-SAJD, L-IKEL U D-DRITTIJIET TAL-ANNIMALI Sistema ġdida għat-traċċabilità tal-inbid DOK Malta, DOK Gozo u IĠT Maltese islands
STQARRIJA MILL-MINISTERU GĦALL-AGRIKOLTURA, IS-SAJD, L-IKEL U D-DRITTIJIET TAL-ANNIMALI Sistema ġdida għat-traċċabilità tal-inbid DOK Malta, DOK Gozo u IĠT Maltese islands
STQARRIJA MILL-MINISTERU GĦALL-AGRIKOLTURA, IS-SAJD, L-IKEL U D-DRITTIJIET TAL-ANNIMALI Sistema ġdida għat-traċċabilità tal-inbid DOK Malta, DOK Gozo u IĠT Maltese islands
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAL-PRIM MINISTRU  “Meta nsaħħu l-MCAST inkunu qed ninvestu fil-kapaċità tal-pajjiż li jimxi ’l quddiem” – Il-Prim Ministru Robert Abela

PR261951

STQARRIJA MILL-UFFIĊĊJU TAL-PRIM MINISTRU “Meta nsaħħu l-MCAST inkunu qed ...

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

Aktar Stqarrijiet Right arrow