Left arrow Mur Lura

STQARRIJA MIS-SEGRETARJAT PARLAMENTARI GĦALL-FONDI EWROPEJ: “L-għan li jkun hemm rabta bejn iċ-ċittadini u l-istituzzjonijiet Ewropej għandu jiggwida x-xogħol kollu tagħna” – Is-Segretarju Parlamentari għall-Fondi Ewropej Stefan Zrinzo Azzopardi

pr220098
Date Icon 25/01/2022

Waqt li kien qed jieħu sehem fil-Laqgħa tal-Kunsill għall-Affarijiet Ġenerali tal-Unjoni Ewropea fi Brussell, is-Segretarju Parlamentari għall-Fondi Ewropej Stefan Zrinzo Azzopardi faħħar ix-xogħol li għamlet il-Presidenza Slovena u issa dak li qed tagħmel il-Presidenza Franċiża.

Fil-laqgħa tal-Kunsill tal-lum, il-Presidenza Franċiża ressqet il-prijoritajiet tagħha li huma ffukati fuq tliet temi ewlenin: l-irkupru, il-qawwa, u l-ħtieġa ta’ sens ta’ sħubija taċ-ċittadini mal-istituzzjonijiet Ewropej. Il-Kunsill iddiskuta wkoll il-pakkett ta’ proposti ppreżentati mill-Kummissjoni Ewropea dwar it-tisħiħ tad-demokrazija u l-integrità tal-elezzjonijiet fl-Istati Membri. Temi oħra diskussi kienu l-aħħar żviluppi fir-relazzjonijiet bejn l-Unjoni Ewropea u r-Renju Unit u l-Konferenza dwar il-Futur tal-Ewropa.

Is-Segretarju Parlamentari Zrinzo Azzopardi stqarr li l-Unjoni Ewropea minn dejjem kienet definizzjoni tal-valuri u l-prinċipji Ewropej. Għaldaqstant huwa qal li t-tisħiħ tas-sens ta’ sħubija taċ-ċittadini mal-istituzzjonijiet Ewropej mhuwiex biss importanti iżda wkoll relevanti ħafna fiċ-ċirkostanzi li qed ngħixu fihom bħalissa. Aktar minn hekk, is-segretarju parlamentari saħaq li l-għan li tkun stabbilita din ir-rabta diretta bejn iċ-ċittadini u l-istituzzjonijiet Ewropej għandu jservi ta’ gwida għax-xogħol li jsir kemm mill-Istati Membri kif ukoll mill-istess istituzzjonijiet. Huwa esprima l-appoġġ ta’ Malta għall-prijoritajiet tal-Presidenza Franċiża.

Dwar il-koordinazzjoni fi ħdan l-Unjoni Ewropea fuq il-pandemija COVID-19, is-segretarju parlamentari kompla jisħaq li din għandha tibqa’ tkun ibbażata fuq ix-xjenza u li l-Istati Membri għandhom jibqgħu jaġġornaw il-mekkaniżmu li qed jużaw biex dan jibqa’ relevanti fil-ġlieda kontra l-pandemija. Huwa tenna l-importanza li ċ-Ċentru Ewropew għall-Prevenzjoni u l-Kontroll tal-Mard (ECDC) kif ukoll l-Aġenzija Ewropea għall-Mediċini (EMA) jibqgħu jipprovdu gwida dwar dan il-qasam.

Rigward il-proposta tal-Kummissjoni Ewropea fuq it-tisħiħ tad-demokrazija Ewropea, is-Segretarju Parlamentari Zrinzo Azzopardi laqa’ dan il-pakkett ta’ proposti li għandu l-għan li jħares l-integrità tad-demokrazija fl-Istati Membri, kif ukoll il-libertà tal-espressjoni.

F’dak li għandu x’jaqsam mar-relazzjonijiet tal-Unjoni Ewropea mar-Renju Unit, partikolarment dwar it-taħdidiet li għaddejjin bħalissa fuq il-Protokoll tal-Irlanda ta’ Fuq, is-segretarju parlamentari esprima l-appoġġ kollu ta’ Malta għall-isforzi tal-Kummissjoni Ewropea biex jissolvew id-diverġenzi eżistenti.

STQARRIJA MIS-SEGRETARJAT PARLAMENTARI GĦALL-FONDI EWROPEJ: “L-għan li jkun hemm rabta bejn iċ-ċittadini u l-istituzzjonijiet Ewropej għandu jiggwida x-xogħol kollu tagħna” – Is-Segretarju Parlamentari għall-Fondi Ewropej Stefan Zrinzo Azzopardi
STQARRIJA MIS-SEGRETARJAT PARLAMENTARI GĦALL-FONDI EWROPEJ: “L-għan li jkun hemm rabta bejn iċ-ċittadini u l-istituzzjonijiet Ewropej għandu jiggwida x-xogħol kollu tagħna” – Is-Segretarju Parlamentari għall-Fondi Ewropej Stefan Zrinzo Azzopardi
STQARRIJA MIS-SEGRETARJAT PARLAMENTARI GĦALL-FONDI EWROPEJ: “L-għan li jkun hemm rabta bejn iċ-ċittadini u l-istituzzjonijiet Ewropej għandu jiggwida x-xogħol kollu tagħna” – Is-Segretarju Parlamentari għall-Fondi Ewropej Stefan Zrinzo Azzopardi
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAL-PRIM MINISTRU  “Meta nsaħħu l-MCAST inkunu qed ninvestu fil-kapaċità tal-pajjiż li jimxi ’l quddiem” – Il-Prim Ministru Robert Abela

PR261951

STQARRIJA MILL-UFFIĊĊJU TAL-PRIM MINISTRU “Meta nsaħħu l-MCAST inkunu qed ...

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

Aktar Stqarrijiet Right arrow