Left arrow Mur Lura

STQARRIJA MILL-MINISTERU GĦALL-AFFARIJIET BARRANIN U EWROPEJ: Il-Ministru Evarist Bartolo favur metodi ġodda biex jinkiser l-impass politiku attwali fil-Libja, matul laqgħa tal-Kunsill tal-Affarijiet Barranin

pr220096
Date Icon 25/01/2022

Il-Ministru għall-Affarijiet Barranin u Ewropej Evarist Bartolo sejjaħ għal metodi ġodda biex jinkiser l-impass politiku attwali fil-Libja, fin-nuqqas ta’ kostituzzjoni fil-pajjiż u wara l-posponiment tal-elezzjonijiet, li kellhom isiru fl-24 ta’ Diċembru 2021. Is-soluzzjoni għall-kunflitt Libjan tinsab f’idejn il-Libjani nfushom u jekk jinżamm l-approċċ attwali, essenzjalment iwassal għall-istess riżultati, qal il-Ministru Bartolo matul il-Laqgħa tal-Kunsill tal-Affarijiet Barranin fi Brussell.

Il-Kunsill ddiskuta primarjament l-iżviluppi fis-Sirja u fil-Libja, is-sitwazzjoni fuq il-fruntiera bejn ir-Russja u l-Ukrajna, kif ukoll kwistjonijiet oħra ta’ ġrajjiet kurrenti, partikolarment il-Mali u s-Sudan.

Il-Ministru Bartolo enfasizza l-importanza tas-sigurtà interna fil-Libja li trid tiġi kkunsidrata meta jiġi indirizzat il-kunflitt kollu Libjan. Is-sigurtà interna Libjana hija ta’ prijorità assoluta, peress li n-nuqqas tagħha se jaffettwa b’mod negattiv l-istabbiltà fit-tul tal-Libja.

Il-pajjiżi ġirien tal-Libja għandhom ikunu involuti wkoll fil-proċess, partikolarment l-Unjoni Afrikana, peress li l-kwistjonijiet ta’ sigurtà jistgħu jinfirxu f’pajjiżi ġirien oħra, partikolarment dawk il-pajjiżi fir-reġjun tas-Saħel.

Dwar il-kwistjoni tal-fruntiera bejn ir-Russja u l-Ukrajna, il-ministri għall-affarijiet barranin fakkru fl-importanza li jitkompla d-djalogu u li tittieħed it-triq diplomatika biex tissaħħaħ is-sigurtà kollettiva, filwaqt li tennew li huma lesti li jdaħħlu l-miżuri meħtieġa jekk is-sitwazzjoni tmur għall-agħar. Il-Kunsill kellu wkoll skambju ta’ fehmiet mas-Segretarju tal-Istat tal-Istati Uniti Antony Blinken dwar il-kwistjoni.

Fi Brussell il-Ministru Bartolo ltaqa’ wkoll mal-Ministru tal-Affarijiet Barranin tal-Kuwajt Sheikh Dr Ahmad Nasser Al-Mohammed Al-Sabah. Iż-żewġ ministri ddiskutew it-tisħiħ tal-kooperazzjoni bejn Malta u l-Kuwajt f’diversi setturi kif ukoll kwistjonijiet ekonomiċi u ta’ sigurtà  fil-Mediterran, fil-Golf Għarbi, u fl-Afrika.

STQARRIJA MILL-MINISTERU GĦALL-AFFARIJIET BARRANIN U EWROPEJ: Il-Ministru Evarist Bartolo favur metodi ġodda biex jinkiser l-impass politiku attwali fil-Libja, matul laqgħa tal-Kunsill tal-Affarijiet Barranin
STQARRIJA MILL-MINISTERU GĦALL-AFFARIJIET BARRANIN U EWROPEJ: Il-Ministru Evarist Bartolo favur metodi ġodda biex jinkiser l-impass politiku attwali fil-Libja, matul laqgħa tal-Kunsill tal-Affarijiet Barranin
STQARRIJA MILL-MINISTERU GĦALL-AFFARIJIET BARRANIN U EWROPEJ: Il-Ministru Evarist Bartolo favur metodi ġodda biex jinkiser l-impass politiku attwali fil-Libja, matul laqgħa tal-Kunsill tal-Affarijiet Barranin
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAL-PRIM MINISTRU  “Meta nsaħħu l-MCAST inkunu qed ninvestu fil-kapaċità tal-pajjiż li jimxi ’l quddiem” – Il-Prim Ministru Robert Abela

PR261951

STQARRIJA MILL-UFFIĊĊJU TAL-PRIM MINISTRU “Meta nsaħħu l-MCAST inkunu qed ...

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

Aktar Stqarrijiet Right arrow