Left arrow Mur Lura

STQARRIJA MILL-MINISTERU GĦAT-TRASPORT, L-INFRASTRUTTURA U L-PROĠETTI KAPITALI: Jitħawlu 22,162 siġra fl-2021

pr220094
Date Icon 24/01/2022

B’investiment ta’ €4.4 miljun u b’medja ta’ 60 siġra kuljum, l-aġenzija Infrastructure Malta fi ħdan il-Ministeru għat-Trasport, l-Infrastruttura u l-Proġetti Kapitali ħawlet total ta’ 22,162 siġra fl-2021. Dan tħabbar mill-Ministru għat-Trasport, l-Infrastruttura u l-Proġetti Kapitali Ian Borg waqt konferenza tal-aħbarijiet fi Ġnien Joseph Farrugia, Ħad-Dingli.

Il-Ministru Ian Borg qal, “Ħawwilna siġar u arbuxell fi 68 zona f’35 lokalità differenti. Huwa b’dan il-mod li se nkomplu nwasslu aktar riżultati bil-għan li nkomplu naslu għall-viżjoni ambjentali ta’ gvern favur infrastruttura ħadranija u sostenibbiltà madwar pajjiżna kollu. L-inizjattiva ta’ afforestazzjoni fuq livell nazzjonali li konna nedejna fis-sajf tal-2019 issa żiedet aktar minn 42,000 siġra u 38,000 arbuxelli f’postijiet urbani u rurali differenti. Rajna li anke nestendu din l-inizjattiva għal Għawdex, bit-tħawwil ta’ siġar u ta’ arbuxelli fix-Xewkija. Nistgħu nsemmu wkoll is-siġar u l-pjanti li ħawwilna fi proġetti kapitali biex insebbħu l-estetika tagħhom, fosthom il-Marsa Junction, Central Link, Għeriexem u l-mini ta’ Santa Luċija. Numri u riżultati bħal dawn ikomplu jixhdu li dan il-gvern żamm u qed iżomm kelmtu meta jisħaqq li rridu nibdlu wiċċ pajjiżna. Qegħdin ninkorporaw dan il-kunċett ta’ tħawwil ta’ siġar u ta’ pjanti fil-maġġoranza tal-proġetti infrastrutturali li qed inwettqu sabiex tassew nagħtu pajjiż sostenibbli lill-ġenerazzjonijiet futuri”.

Fl-2020, l-aġenzija Infrastructure Malta ssostitwixxiet ’il fuq minn 1,000 siġra li ġew misruqa jew li ġew vandalizzati. Dan in-numru naqas drastikament is-sena li għaddiet wara l-introduzzjoni ta’ diversi miżuri ta’ sigurtà, fosthom kameras tas-sigurtà.

Matul l-ewwel nofs tas-sena, Infrastructure Malta ħadmet ma’ Caritas Malta biex tifforma ‘Bosk it-Tama’ (Grove of Hope), spazju ġdid ta’ riflessjoni fi ħdan il-grawnds tal-Komunità Terapewtika ta’ San Blas, fejn ħawlet 352 siġra u arbuxelli indiġeni u installat sistema ġdida ta’ tisqija.

L-aġenzija ħadmet ukoll mal-Arċidjoċesi ta’ Malta permezz ta’ xogħlijiet li riċentament saru fir-roof garden fis-Seminarju tal-Arċisqof f’Tal-Virtù, ir-Rabat, b’730 siġra, arbuxelli u pjanti oħra.

Xi postijiet oħra fejn tħawlu siġar u arbuxelli jinkludu wkoll grawnds tal-iskejjel, żoni madwar l-Università ta’ Malta u l-ITS, spazji miftuħa mmexxija mill-Arċidjoċesi ta’ Malta, gruppi lokali tal-iscouts, klabbs sportivi u NGOs.

STQARRIJA MILL-MINISTERU GĦAT-TRASPORT, L-INFRASTRUTTURA U L-PROĠETTI KAPITALI: Jitħawlu 22,162 siġra fl-2021
STQARRIJA MILL-MINISTERU GĦAT-TRASPORT, L-INFRASTRUTTURA U L-PROĠETTI KAPITALI: Jitħawlu 22,162 siġra fl-2021
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAL-PRIM MINISTRU  “Meta nsaħħu l-MCAST inkunu qed ninvestu fil-kapaċità tal-pajjiż li jimxi ’l quddiem” – Il-Prim Ministru Robert Abela

PR261951

STQARRIJA MILL-UFFIĊĊJU TAL-PRIM MINISTRU “Meta nsaħħu l-MCAST inkunu qed ...

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

Aktar Stqarrijiet Right arrow