Left arrow Mur Lura

STQARRIJA MILL-MINISTERU GĦAT-TRASPORT, L-INFRASTRUTTURA U L-PROĠETTI KAPITALI 220 triq residenzjali ġdida fl-2021

pr220073
Date Icon 19/01/2022

L-aġenzija Infrastructure Malta bniet mill-ġdid 220 triq residenzjali oħra fl-2021, medja ta' erba' toroq fil-ġimgħa, waħda aktar fil-ġimgħa minn kemm lestiet is-sena ta' qabel.

Dan tħabbar mill-Ministru għat-Trasport, l-Infrastruttura u l-Proġetti Kapitali Ian Borg waqt konferenza tal-aħbarijiet li saret fi Triq l-Indipendenza f'Ħaż-Żebbuġ.

Il-Ministru Ian Borg semma li riżultat bħal dan ifisser li l-eluf ta' familji li jgħixu f'dawn it-toroq issa se jkunu qed igawdu minn ambjent aħjar u aktar sigur. “Tajjeb infakkru li dan mhux l-uniku proġett li għaddejjin bih bħalissa. Irridu ngħidu li dawn ir-riżultati pożittivi qegħdin jinkisbu fl-istess waqt li madwar pajjiżna qed isiru u anke saru proġetti massivi kapitali u infrastrutturali bħall-Marsa Junction, il-mini ta' Santa Luċija, il-belvedere ta' Triq Għeriexem, il-breakwater tal-Qrejten u s-Central Link, li se nkunu qed ninawgurawha fl-jiem li ġejjin."

Il-ministru għamel referenza wkoll għall-programm fit-tul li qed twettaq l-aġenzija sabiex fejn ikun hemm l-ispazju meħtieġ, din tħaddar dawn it-toroq u l-inħawi residenzjali oħrajn b'siġar, arbuxelli u pjanti ġodda.

Il-programm nazzjonali għal toroq residenzjali aħjar f'Malta issa qed jidħol fir-raba' sena tiegħu. L-aġenzija Infrastructure Malta bħalissa għaddejja bil-bini mill-ġdid ta' aktar minn 100 triq oħra filwaqt li xogħlijiet fuq oħrajn ser jibdew dalwaqt.

F'dawn il-220 triq Infrastructure Malta żiedet jew bniet mill-ġdid aktar minn 58 kilometru ta' bankini u qiegħdet 141 kilometru ta' servizzi ġodda għad-distribuzzjoni tas-servizzi taħt l-art. Sabiex lestew il-bini mill-ġdid ta' dawn it-toroq, il-kuntratturi tal-aġenzija użaw 121,552 tunnellata asfalt.

STQARRIJA MILL-MINISTERU GĦAT-TRASPORT, L-INFRASTRUTTURA U L-PROĠETTI KAPITALI 220 triq residenzjali ġdida fl-2021
STQARRIJA MILL-MINISTERU GĦAT-TRASPORT, L-INFRASTRUTTURA U L-PROĠETTI KAPITALI 220 triq residenzjali ġdida fl-2021
STQARRIJA MILL-MINISTERU GĦAT-TRASPORT, L-INFRASTRUTTURA U L-PROĠETTI KAPITALI 220 triq residenzjali ġdida fl-2021
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAL-PRIM MINISTRU  “Meta nsaħħu l-MCAST inkunu qed ninvestu fil-kapaċità tal-pajjiż li jimxi ’l quddiem” – Il-Prim Ministru Robert Abela

PR261951

STQARRIJA MILL-UFFIĊĊJU TAL-PRIM MINISTRU “Meta nsaħħu l-MCAST inkunu qed ...

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

Aktar Stqarrijiet Right arrow