Left arrow Mur Lura

STQARRIJA MILL-MINISTERU GĦALL-WIRT NAZZJONALI, L-ARTI U L-GVERN LOKALI: L-Għana Folkloristika Maltija titpoġġa fuq il-Lista tal-Wirt Kulturali tal-Umanità

pr212231
Date Icon 15/12/2021

Waqt is-16-il laqgħa tal-Kumitat Intergovernattiv tal-UNESCO li qiegħda ssir f’Pariġi, ġiet approvata b’mod unanimu l-applikazzjoni ta’ Malta biex l-Għana Folkloristika Maltija titpoġġa fuq il-Lista tal-Wirt Kulturali tal-Umanità.

Dan hu t-tieni element tal-wirt kulturali intaġibbli Malti li qed jikseb dan l-għarfien internazzjonali u qed ikun iskritt fuq il-Lista tal-Wirt Kulturali tal-Umanità billi s-sena l-oħra, il-mod kif issir il-Ftira Maltija kisbet ukoll dan l-għarfien mill-UNESCO.

F’kumment lill-Assemblea, il-Ministru għall-Wirt Nazzjonali, l-Arti u l-Gvern Lokali José Herrera rringrazzja lill-UNESCO, il-kumitat tal-evalwazzjoni, u l-pajjiżi fi ħdan din l-għaqda internazzjonali talli laqgħu t-talba ta’ pajjiżna biex l-Għana Folkloristika Maltija tiġi rikonoxxuta wkoll fuq livell internazzjonali.

Il-Ministru Herrera stqarr li dan hu unur għall-poplu Malti u Għawdxi kollu li għaqda internazzjonali bħalma hi l-UNESCO tkompli tirrikonoxxi l-wirt kulturali kbir li għandu pajjiżna, kif ukoll unur kbir għall-għannejja kollha, għall-kitarristi u dawk kollha li jħobbu l-għana li jżommu dan il-Wirt Kulturali ħaj.  Il-Ministru Herrera żied jgħid li dan il-privileġġ qed ikompli jpoġġi aktar responsabbiltà fuqna lkoll sabiex nassiguraw li dawn it-tradizzjonijiet jibqgħu jitgawdew għall-ġenerazzjonijiet futuri.

STQARRIJA MILL-MINISTERU GĦALL-WIRT NAZZJONALI, L-ARTI U L-GVERN LOKALI: L-Għana Folkloristika Maltija titpoġġa fuq il-Lista tal-Wirt Kulturali tal-Umanità
STQARRIJA MILL-MINISTERU GĦALL-WIRT NAZZJONALI, L-ARTI U L-GVERN LOKALI: L-Għana Folkloristika Maltija titpoġġa fuq il-Lista tal-Wirt Kulturali tal-Umanità
STQARRIJA MILL-MINISTERU GĦALL-WIRT NAZZJONALI, L-ARTI U L-GVERN LOKALI: L-Għana Folkloristika Maltija titpoġġa fuq il-Lista tal-Wirt Kulturali tal-Umanità
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR HOME AFFAIRS AND SECURITY  Europe’s security is directly linked to that of the Mediterranean – Minister Glenn Bedingfield

PR261955en

PRESS RELEASE BY THE MINISTRY FOR HOME AFFAIRS AND SECURITY Europe’s secur...

STQARRIJA MILL-MINISTERU GĦALL-INTERN U S-SIGURTÀ  Is-sigurtà tal-Ewropa hija marbuta direttament ma’ dik tal-Mediterran – Il-Ministru Glenn Bedingfield

PR261955

STQARRIJA MILL-MINISTERU GĦALL-INTERN U S-SIGURTÀ Is-sigurtà tal-Ewropa hi...

Aktar Stqarrijiet Right arrow