STQARRIJA MILL-MINISTERU GĦALL-FINANZI U X-XOGĦOL Sejħa għal applikazzjonijiet għal kumpens lill-eks impjegati tal-Malta Drydocks li sofrew mill-kundizzjoni tal-asbestosis li ma rċevewx kumpens mingħand il-gvern
Il-Ministeru għall-Finanzi u x-Xogħol qed jilqa' applikazzjonijiet għal kumpens mingħand dawk l-eks impjegati tal-Malta Drydocks li minħabba x-xogħol li ġew assenjati jagħmlu fil-passat sofrew jew ġew nieqsa kawża tal-asbestosis. Din hija sejħa għal pagament ta' darba ta' kumpens nonpekunjarju bil-għan li jkun hemm negozjar ta' dan l-istess kumpens barra mill-Qorti.
Id-dokumenti mitluba ma' din l-applikazzjoni huma:
- Employment history tal-individwu li tista' tinkiseb mill-eqreb fergħa tal-Jobs Plus;
- Ċertifikat uffiċjali tal-mard li jindika t-tip ta' kundizzjoni li jista' jinkiseb mill-isptar ġenerali ta' Malta jew ta' Għawdex
F'każ li l-eks impjegat ġie nieqes, dawn id-dokumenti għandhom jiġu sottomessi mill-eqreb qarib jew qariba. F'dan il-każ, għandu jiġi sottomess ukoll iċ-ċertifikat tal-mewt sħiħ (mhux estratt).
Dawk l-eks impjegati li diġà ngħataw kumpens mill-gvern mhumiex intitolati biex jerġgħu japplikaw.
L-applikazzjoni tista' titniżżel minn fuq is-sit elettroniku https://finanzi.gov.mt/asbestosis/ jew tinġabar personalment mill-Ministeru għall-Finanzi u x-Xogħol.
Id-dokumenti jistgħu jaslu personalment il-Ministeru għall-Finanzi u x-Xogħol jew jintbagħtu bil-posta fl-indirizz:
Segretarja tal-kumitat responsabbli mill-kumpens
Ministeru għall-Finanzi u x-Xogħol
Maison Demandols,
Triq In-Nofsinhar,
Il-Belt Valletta VLT 1102
L-applikazzjonijiet jagħlqu nhar it-Tnejn 28 ta' Frar, 2022. Wara din id-data mhux se jiġu aċċettati aktar applikazzjonijiet għal kumpens.
Dawk kollha li diġà bagħtu xi dokumenti qabel il-ħruġ ta' din is-sejħa għandhom jimlew l-applikazzjoni sħiħa u jissottomettu dawk id-dokumenti ulterjuri rikjesti mas-sejħa.
Għal aktar informazzjoni wieħed għandu jċempel fuq in-numru 25998438.
Stqarrijiet Oħra:
PR261956
STQARRIJA MILL-MINISTERU GĦALL-INKLUŻJONI U L-VOLONTARJAT U MILL-MINISTERU ...
PR261955en