Left arrow Go Back

STQARRIJA MILL-KUMITAT FESTI NAZZJONALI Jum it-Tifkira, il-Ħadd, 14 ta’ Novembru, 2021

pr212042
Date Icon 13/11/2021

Jum it-Tifkira, li huwa ċċelebrat fil-pajjiżi kollha tal-Commonwealth,b'ġieħ il-vittmi kollha taż-żewġ gwerer dinjija, se jkun imfakkar f'Malta mill-Kumitat Festi Nazzjonali, permezz ta' Festivals Malta, nhar il-Ħadd, 14 ta' Novembru, 2021.

Għall-okkażjoni se ssir quddiesa konċelebrata fil-Konkatidral ta' San Ġwann fil-Belt Valletta. Din se tkun immexxija mill-Arċisqof ta' Malta Charles Jude Scicluna. Il-quddiesa tibda fid-9.30 ta' filgħodu u din is-sena se tiġi mxandra b'mod dirett fuq TVM.

Qabel il-quddiesa, il-President ta' Malta jispezzjona l-Gwardja tal-Unur mill-Forzi Armati ta' Malta u tieħu sehem ukoll il-Banda tal-Forzi Armati.

Wara, fil-10.40 ta' filgħodu ssir ċerimonja ta' tifkira  ħdejn il-Monument tal-Gwerra fil-Furjana.  Matul din iċ-ċerimonja jitqiegħdu kuruni mal-Monument tal-Gwerra mill-ogħla awtoritajiet nazzjonali u persuni distinti. Din is-sena dawk li se jpoġġu kuruna ġew limitati biex fi kwalunkwe ħin inkunu konformi mal-miżuri li qed jittieħdu fis-sitwazzjoni preżenti.

Il-Forzi Armati ta' Malta u Kontinġent mill-Korp tal-Pulizija se jiffurmaw flimkien Gwardja tal-Unur għal matul iċ-Ċerimonja tat-Tqegħid ta' Kuruni.

Minħabba ċ-ċirkostanzi preżenti l-kontinġenti tal-Forzi Armati u tal-Pulizija se jkunu ridotti għal numru minimu – l-istess se tkun il-banda tal-Forzi Armati – u se jipparteċipaw l-ex-servicemen li lkoll huma vaċċinati u se josservaw il-miżuri rakkomandati. Dawk l-għaqdiet l-oħra li s-soltu kienu jakkumpanjaw il-kontinġenti tal-ex-servicemen din is-sena qed jintalbu ma jiħdux sehem.

Il-Kumitat Festi Nazzjonali jħeġġeġ lill-pubbliku inġenerali jagħmel bħal pajjizi oħra tal-Commonwealth u jfakkar il-vittmi b'mod remot b'rispett u osservanza għal dawk li ssagrifikaw ħajjithom matul iż-żewġ gwerer dinjija.

L-appell tradizzjonali ta' Jum it-Tifkira mill-Poppy Day Appeal Fund bħala għajnuna lil dawk il-Maltin li kienu fis-servizzi u lid-dipendenti tagħhom isir fl-istess perjodu taż-żmien.

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow