Left arrow Mur Lura

STQARRIJA MILL-UFFIĊĊJU TAL-PRESIDENT: Il-President jirċievi l-kredenzjali diplomatiċi mingħand kapijiet ġodda ta’ missjonijiet diplomatiċi

pr212026
Date Icon 11/11/2021

Tliet kapijiet ġodda ta’ missjonijiet diplomatiċi ppreżentaw il-kredenzjali diplomatiċi tagħhom lill-President ta’ Malta, George Vella.

L-Ambaxxatur tar-Renju tal-Belġju Pierre Emmanuel De Bauw kien l-ewwel wieħed li ppreżenta l-Ittri ta’ Kredenzjali tiegħu. L-Ambaxxatur De Bauw irrefera għar-relazzjonijiet eċċellenti bejn iż-żewġ pajjiżi, mhux biss fil-livell bilaterali iżda wkoll f’dak multilaterali. Issemmiet b’mod partikolari l-kooperazzjoni fi ħdan il-qafas tan-Nazzjonijiet Magħquda, u fi kwistjonijiet marittimi. Min-naħa tiegħu, il-President Vella tkellem dwar l-interessi u t-tħassib komuni tal-pajjiżi fir-rigward tal-Unjoni Ewropea u l-pajjiżi viċin tagħha fin-Nofsinhar u l-Lvant. Il-valuri u l-ideali komuni jinsabu fil-qalba tal-kooperazzjoni fi kwistjonijiet tal-UE, b’mod partikolari t-tkabbir u l-Konvenzjoni dwar il-Futur tal-Unjoni Ewropea. Il-President Vella esprima l-apprezzament tiegħu għall-assistenza pprovduta mill-Belġju fir-rilokazzjoni ta’ migranti li żbarkaw f’Malta.

Imbagħad kien imiss lill-Kummissarju Għoli tar-Repubblika Iżlamika tal-Pakistan Tahir Hussain Andrabi li ppreżenta l-Ittri ta’ Kummissjoni. Il-President Vella qal li Malta tibqa’ ħerqana li ssaħħaħ ir-relazzjonijiet tagħha mal-Pakistan, li ilhom għal żmien twil. Ir-relazzjonijiet issaħħew iktar b’mod speċjali permezz tal-pjattaformi tal-Commonwealth u tal-ASEM (il-Laqgħa bejn l-Asja u l-Ewropa). Il-President Vella staqsa dwar l-aħħar żviluppi fl-Afganistan u x’effett għandhom dawn fuq il-Pakistan, b’mod partikolari fir-rigward tar-refuġjati. Il-Kummissarju Għoli Andrabi tkellem dwar l-intenzjonijiet tiegħu li jkompli jsaħħaħ ir-relazzjonijiet bejn il-Pakistan u Malta, fejn semma b’mod partikolari l-qasam kummerċjali. Huwa rrefera għat-tkabbir ekonomiku li kellhom iż-żewġ pajjiżi f’dan ir-rigward.

It-tielet persuna li ppreżentat l-Ittri ta’ Kredenzjali tagħha kienet l-Ambaxxatriċi tal-Gran Dukat tal-Lussemburgu Michèle Pranchère-Tomassini. Il-President Vella osserva li r-relazzjonijiet bejn Malta u l-Lussemburgu, li ilhom għal żmien twil u li żviluppaw b’suċċess matul is-snin. Fi ħdan l-Unjoni Ewropea, Malta tixtieq tara iktar konverġenza u kooperazzjoni fil-kwistjoni tal-migrazzjoni. F’dan ir-rigward il-President Vella enfasizza l-apprezzament ta’ Malta għall-appoġġ dirett tal-Lussemburgu, mill-2018, fir-rilokazzjoni ta’ migranti li jaslu f’Malta. Malta tinsab imħassba bil-pressjoni tal-migrazzjoni mir-rotta tal-Mediterran Ċentrali, biż-żieda sinifikanti fl-iżbarki fl-2020 u matul din is-sena.

Matul ikla ta’ nofsinhar mal-kapijiet tal-missjoni l-ġodda, il-President George Vella ħeġġiġhom biex ilkoll ikomplu jesploraw il-ħafna possibbiltajiet li toffri Malta.

STQARRIJA MILL-UFFIĊĊJU TAL-PRESIDENT: Il-President jirċievi l-kredenzjali diplomatiċi mingħand kapijiet ġodda ta’ missjonijiet diplomatiċi
STQARRIJA MILL-UFFIĊĊJU TAL-PRESIDENT: Il-President jirċievi l-kredenzjali diplomatiċi mingħand kapijiet ġodda ta’ missjonijiet diplomatiċi
STQARRIJA MILL-UFFIĊĊJU TAL-PRESIDENT: Il-President jirċievi l-kredenzjali diplomatiċi mingħand kapijiet ġodda ta’ missjonijiet diplomatiċi
STQARRIJA MILL-UFFIĊĊJU TAL-PRESIDENT: Il-President jirċievi l-kredenzjali diplomatiċi mingħand kapijiet ġodda ta’ missjonijiet diplomatiċi
STQARRIJA MILL-UFFIĊĊJU TAL-PRESIDENT: Il-President jirċievi l-kredenzjali diplomatiċi mingħand kapijiet ġodda ta’ missjonijiet diplomatiċi
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

Aktar Stqarrijiet Right arrow