Left arrow Go Back

STQARRIJA MILL-MINISTRU FL-UFFIĊĊJU TAL-PRIM MINISTRU Il-baġit, il-kwalità tal-ħajja u l-għajnuna għall-persuni vulnerabbli fuq l-aġenda tal-MCESD

pr212023
Date Icon 11/11/2021

F’laqgħa tal-Kunsill Malti għall-Iżvilupp Ekonomiku u Soċjali (MCESD), l-imsieħba soċjali ltqagħu biex jiddiskutu suġġetti marbuta mal-kwalità tal-ħajja tal-familji tagħna, b’enfasi fuq il-faxxa tas-soċjetà meqjusa bħala vulnerabbli. Għal dan l-għan saret ukoll preżentazzjoni dwar il-Baġit 2022 bit-tema ‘Malta li Rridu għal Uliedna’ – baġit li kien jinkludi diversi inizjattivi biex jgħin lil dawk l-iktar vulnerabbli.

Fost l-istess imsieħba soċjali se tissokta wkoll id-diskussjoni dwar il-mekkaniżmu għall-għoli tal-ħajja għal familji vulnerabbli kif imħabbar fil-baġit għas-sena d-dieħla. 

Il-Ministru fl-Uffiċċju tal-Prim Ministru Carmelo Abela qal li din hija diskussjoni ta’ importanza mill-aspett soċjali, kif ukoll mill-aspett kompetittiv ta’ pajjiżna. Din id-diskussjoni se tolqot persuni li qegħdin fid-dinja tax-xogħol bi dħul baxx, imma anke persuni oħra li għal xi raġuni jew oħra mhux qed jaħdmu jew ma jistgħux jaħdmu.

Fir-rimarki tiegħu, il-ministru spjega li l-għoli tal-ħajja mhuwiex jinħoloq minħabba deċiżjonijiet li qed jittieħdu lokalment, tant li l-gvern qed jieħu deċiżjonijiet biex itaffi u mhux iżid dan il-piż. Fil-fatt, f’dan iż-żmien, filwaqt li pajjiżi oħra, fosthom pajjiżi fl-Unjoni Ewropea, kellhom jgħollu t-tariffi marbuta mal-enerġija, f’Malta l-gvern żamm il-prezzijiet stabbli.

Il-ministru rrefera għas-sistema tas-sigurtà soċjali f’Malta bħala waħda b’saħħitha u saħaq li fl-aħħar mill-aħħar il-pajjiż jew soċjetà juru kemm verament jimpurtahom minn kif jitrattaw lil dawk l-aktar vulnerabbli. Dan il-gvern jimpurtah u ser jibqa’ jaħdem biex kulħadd ikollu l-opportunitajiet kollha li jixirqulu.

Il-Ministru Abela, fil-konklużjoni tiegħu, stqarr li, “L-għan tagħna bħala gvern huwa li ħadd ma’ jaqa’ lura, u filwaqt li rridu nippremjaw il-bżulija u x-xogħol biex pajjiżna jibqa’ b’saħħtu ekonomikament, daqstant ieħor irridu naraw li pajjiżna jibqa’ b’saħħtu mill-aspett soċjali – li kulħadd ikollu dħul bażiku biex jgħix ħajja diċenti.”

STQARRIJA MILL-MINISTRU FL-UFFIĊĊJU TAL-PRIM MINISTRU Il-baġit, il-kwalità tal-ħajja u l-għajnuna għall-persuni vulnerabbli fuq l-aġenda tal-MCESD
STQARRIJA MILL-MINISTRU FL-UFFIĊĊJU TAL-PRIM MINISTRU Il-baġit, il-kwalità tal-ħajja u l-għajnuna għall-persuni vulnerabbli fuq l-aġenda tal-MCESD
STQARRIJA MILL-MINISTRU FL-UFFIĊĊJU TAL-PRIM MINISTRU Il-baġit, il-kwalità tal-ħajja u l-għajnuna għall-persuni vulnerabbli fuq l-aġenda tal-MCESD
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow