Left arrow Go Back

STQARRIJA MILL-UFFIĊĊJU TAL-PRIM MINISTRU Basecamp: Faċilità moderna ġdida għal start-ups fil-qasam tal-gaming u tal-esports

pr212005
Date Icon 09/11/2021

Il-Prim Ministru Robert Abela żar il-faċilità Basecamp fil-binja tar-Reġistru tan-Negozju ta’ Malta. Fuq 757 metru kwadru ta’ spazju mgħammra bl-aħħar teknoloġija, din il-faċilità ġdida se tgħin biex ikompli jitkattar ix-xogħol fil-qasam tal-video gaming u tal-esports.

Pass ieħor li qed ikompli jimmaterjalizza l-istrateġija tal-gvern għal dan is-settur, bl-għan li jara 2,500 ħaddiem ġdid fl-għaxar snin li ġejjin.

Basecamp, b’investiment ta’ €1.7 miljun, se tkun qed takkomoda 10 spazji distinti ta’ studios b’daqs differenti operati minn Gaming Malta, bl-għan li start-ups u kumpaniji stabbiliti fil-qasam tal-gaming ikomplu jimirħu.

Filwaqt li Basecamp se tipprovdi l-ispazju tal-uffiċini bi skemi ssussidjati, se tkun qed tmexxi wkoll programm ta’ workshops bl-għan li tkabbar l-għarfien fil-qasam tal-gaming, tiżviluppa networking b’saħħtu bejn il-kumpaniji u tagħti aċċess għal komunikazzjoni msaħħa fost l-industriji u l-investituri f’dan is-settur. Basecamp se sservi wkoll bħala ċentru għall-avvenimenti, konsultazzjoni fil-qasam tal-gaming u one-stop-shop għal dawk li joperaw f’dan is-settur li kull ma jmur qiegħed dejjem jespandi u jikber f’pajjiżna.

Waqt iż-żjara, il-Prim Ministru Robert Abela u l-Ministru Schembri kienu akkumpanjati mill-Uffiċjal Kap Operattiv ta’ Gaming Malta Ivan Filetti, li ta spjegazzjoni dettaljata dwar l-istart-ups, l-istudios u l-kumpaniji li diġa qed joperaw minn Basecamp. 

Fost dawn il-kumpaniji, il-Prim Ministru tkellem ma’ rappreżentanti minn Draw & Code, waħda mill-iżjed kumpaniji Ingliżi b’saħħitha fit-teknoloġija immersiva, li għażlet lil pajjiżna biex tiftaħ il-fergħa tagħha f’Basecamp. 

Il-fundaturi ta’ MetaverseMe, Martyn Hughes u Arne Peters, għażlu speċifikament Basecamp biex ikabbru l-pjattaforma diġitali tagħhom, filwaqt li ż-żewġt aħwa Andrew u Julian Farrugia, fundaturi tal-kumpanija Anvil Game Studios, stqarru li l-investiment tal-lum juri b’mod konkret l-impenn li għandu l-gvern biex ikompli jsaħħaħ il-fiduċja tiegħu f’din in-niċċa ekonomika. 

“Permezz ta’ dan l-investiment, il-gvern qed ikompli jattira iżjed kumpaniji f’dan is-settur biex jagħżlu lil pajjiżna bħala l-post ideali minn fejn joperaw. Qegħdin jiġu assigurati wkoll opportunitajiet għall-ġenerazzjonijiet futuri biex jaħdmu fl-industriji tal-ġejjieni u qed isir investiment f’talent ta’ ħila kbira,” irrimarkaw l-aħwa Farrugia.

Fit-testimonjanza tiegħu, l-Eks Kap ta’ Sony Computer Entertainment Europe Chris Deering qal li tul dawn l-aħħar snin pajjiżna rnexxielu jattira kumpaniji fil-qasam tal-gaming ta’ kull tip u dan ma seħħx b’kumbinazzjoni.

“Il-gvern Malti huwa wieħed enerġetiku u progressiv. Illum qed jiġi inawgurat pass ieħor f’din l-istorja ta’ suċċess permezz tal-investiment Basecamp – post speċjali fejn l-ideat jistgħu jimirħu u proġetti eċitanti joħolqu negozji ġodda. Kunfidenti li Basecamp se jkun suċċess,” stqarr is-Sur Deering.

Preżenti matul l-inawgurazzjoni kien hemm is-Sur Alistair Dalli, Chairperson ta’ GamingMalta, l-Uffiċjal Kap Operattiv ta’ Gaming Malta Ivan Filletti u l-Ministru għall-Ekonomija u l-Industrija Silvio Schembri.

STQARRIJA MILL-UFFIĊĊJU TAL-PRIM MINISTRU Basecamp: Faċilità moderna ġdida għal start-ups fil-qasam tal-gaming u tal-esports
STQARRIJA MILL-UFFIĊĊJU TAL-PRIM MINISTRU Basecamp: Faċilità moderna ġdida għal start-ups fil-qasam tal-gaming u tal-esports
STQARRIJA MILL-UFFIĊĊJU TAL-PRIM MINISTRU Basecamp: Faċilità moderna ġdida għal start-ups fil-qasam tal-gaming u tal-esports
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow