Left arrow Mur Lura

STQARRIJA MILL-MINISTERU GĦALL-INTERN, IS-SIGURTÀ NAZZJONALI U L-INFURZAR TAL-LIĠI: Il-Protezzjoni Ċivili ttemm b’suċċess l-ewwel eżerċizzju ta’ simulazzjoni immirat biex iżid it-tħejjija u l-għarfien dwar it-tsunami

pr211991
Date Icon 05/11/2021

Il-Ġimgħa, 5 ta’ Novembru, fil-jum iddedikat għal aktar għarfien dwar it-tsunami, id-Dipartiment tal-Protezzjoni Ċivili kkordina operazzjoni ta’ evakwazzjoni f’Marsaxlokk bħala parti minn simulazzjoni f’każ li jseħħ tsunami f’Malta. L-eżerċizzju ttestja l-komunikazzjoni bejn entitajiet tal-forzi tal-ordni u l-proċeduri operattivi, filwaqt li ppromwova t-tħejjija għall-emerġenzi li jistgħu jinqalgħu. Ir-residenti kienu infurmati li kien se jsir dan l-eżerċizzju, bl-għan li d-Dipartiment tal-Protezzjoni Ċivili u l-ħaddiema tiegħu jkunu ppreparati iktar għal diżastru naturali bħalma hu t-tsunami. It-toroq kienu kollha magħluqin u għalhekk ma kienx hemm aċċess minn ġewwa jew barra l-lokal. 

Il-Ministru għall-Intern, is-Sigurtà Nazzjonali u l-Infurzar tal-Liġi Byron Camilleri spjega kif l-ebda pajjiż mhuwa protett minn diżastri naturali, madankollu jeħtieġ li l-pajjiż ikun ippreparat biex f’każ ta’ emerġenza nsalvaw il-ħajjiet u jiġu mminimizzati d-danni. Huwa qal kif l-investiment li sar fl-aħħar xhur biex tissaħħaħ il-flotta tad-Dipartiment tal-Protezzjoni Ċivili sarraf biex illum id-Dipartiment huwa mgħammar biżejjed biex ikun jista’ jagħmel eżerċizzji ta’ dan it-tip. “Xprunajna investiment bla preċedent biex niżviluppaw il-ħiliet u l-għarfien tal-ħaddiema. Fil-fatt, f’dawn l-aħħar sentejn investejna madwar €300,000 f’diversi tipi ta’ taħriġ, minn dak akkademiku sa dak aktar speċjalizzat,” qal il-Ministru Camilleri. 

Id-Direttur Ġenerali tal-Protezzjoni Ċivili s-Sur Emanuel Psaila tkellem dwar ix-xhur ta’ preparazzjoni li kien jinvolvi fih dan l-eżerċizzju. Fil-fatt, il-Protezzjoni Ċivili organizzat sessjonijiet ta’ għarfien mar-residenti ta’ Marsaxlokk, kif ukoll ikkonsultat mal-Kunsill Lokali ta’ Marsaxlokk, l-iskola primarja ta’ Marsaxlokk, u l-Assoċjazzjoni tal-Lukandiera u r-Ristoranti (MHRA) fost oħrajn. Filwaqt li s-sinerġija bejn il-forzi tal-ordni hija dejjem kruċjali, f’operazzjoni daqstant delikata din il-koperazzjoni hija ċ-ċavetta għas-suċċess. Is-Sur Psaila rringrazzja lill-entitajiet li kienu involuti fl-operazzjoni, fosthom il-Forzi Armati ta’ Malta, il-Korp tal-Pulizija, LESA, Transport Malta u d-Dipartiment tas-Saħħa. 

STQARRIJA MILL-MINISTERU GĦALL-INTERN, IS-SIGURTÀ NAZZJONALI U L-INFURZAR TAL-LIĠI: Il-Protezzjoni Ċivili ttemm b’suċċess l-ewwel eżerċizzju ta’ simulazzjoni immirat biex iżid it-tħejjija u l-għarfien dwar it-tsunami
STQARRIJA MILL-MINISTERU GĦALL-INTERN, IS-SIGURTÀ NAZZJONALI U L-INFURZAR TAL-LIĠI: Il-Protezzjoni Ċivili ttemm b’suċċess l-ewwel eżerċizzju ta’ simulazzjoni immirat biex iżid it-tħejjija u l-għarfien dwar it-tsunami
STQARRIJA MILL-MINISTERU GĦALL-INTERN, IS-SIGURTÀ NAZZJONALI U L-INFURZAR TAL-LIĠI: Il-Protezzjoni Ċivili ttemm b’suċċess l-ewwel eżerċizzju ta’ simulazzjoni immirat biex iżid it-tħejjija u l-għarfien dwar it-tsunami
STQARRIJA MILL-MINISTERU GĦALL-INTERN, IS-SIGURTÀ NAZZJONALI U L-INFURZAR TAL-LIĠI: Il-Protezzjoni Ċivili ttemm b’suċċess l-ewwel eżerċizzju ta’ simulazzjoni immirat biex iżid it-tħejjija u l-għarfien dwar it-tsunami
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

Aktar Stqarrijiet Right arrow