Left arrow Mur Lura

STQARRIJA MILL-UFFIĊĊJU TAL-PRESIDENT: Rockestra – Times Like These se ssir fit-3 ta’ Diċembru li ġej

pr211981
Date Icon 03/11/2021

Tħabbret it-12-il edizzjoni ta’ Rockestra – Times Like These, li se ssir nhar il-Ġimgħa, 3 ta’ Diċembru, fl-MFCC, Ta’ Qali.

Id-direttur artistiku ta’ Rockestra Paul Borg Bonaci u d-direttur mużikali ta’ Rockestra Sigmund Mifsud taw id-dettalji ta’ Rockestra 2021, li se tirritorna bi spettaklu mill-Orkestra Filarmonika Nazzjonali u bosta artisti lokali.

Meta indirizzaw il-konferenza tal-aħbarijiet li saret fil-Palazz tal-Verdala, huma esprimew sodisfazzjon għar-ritorn ta’ Rockestra, avveniment li mhux biss huwa importanti mill-aspett ta’ divertiment iżda li wkoll iħalli impatt pożittiv fl-għajnuna meħtieġa b’risq The Malta Community Chest Fund Foundation. Spjegaw kif, għall-ewwel darba, Rockestra ta’ din is-sena se jkun qed isir b’udjenza bilqiegħda. 

Preżenti wkoll għat-tnedija ta’ Rockestra kien hemm il-Ministru għall-Wirt Nazzjonali, l-Arti u l-Gvern Lokali José Herrera u l-Kelliem tal-Oppożizzjoni għall-Kultura Karl Gouder, li awguraw li, bħas-snin ta’ qabel, Rockestra fir-ritorn tagħha terġa’ tkun waħda ta’ suċċess. 

Il-President George Vella qal kif wieħed mill-iskopijiet ewlenin huwa li dan l-avveniment jgħaqqad lill-poplu Malti u Għawdxi permezz tal-mużika. Huwa rringrazzja b’mod speċjali lil Paul Borg Bonaci u Sigmund Mifsud għall-ħidma sfiqa tagħhom b’rabta ma’ Rockestra, kif ukoll lill-voluntiera u l-artisti kollha involuti.

Il-biljetti għal Rockestra 2021 bdew jinbiegħu mill-Erbgħa, 3 ta’ Novembru, u jistgħu jinxtraw minn showshappening.com.mt. Għall-ewwel ġimgħa mit-tħabbira ta’ dan l-avveniment, wieħed jista’ jikseb erba’ biljetti u jingħata tnejn oħra bla ħlas. Kull min jattendi għal Rockestra jrid jippreżenta ċ-ċertifikat tal-vaċċin. 

STQARRIJA MILL-UFFIĊĊJU TAL-PRESIDENT: Rockestra – Times Like These se ssir fit-3 ta’ Diċembru li ġej
STQARRIJA MILL-UFFIĊĊJU TAL-PRESIDENT: Rockestra – Times Like These se ssir fit-3 ta’ Diċembru li ġej
STQARRIJA MILL-UFFIĊĊJU TAL-PRESIDENT: Rockestra – Times Like These se ssir fit-3 ta’ Diċembru li ġej
STQARRIJA MILL-UFFIĊĊJU TAL-PRESIDENT: Rockestra – Times Like These se ssir fit-3 ta’ Diċembru li ġej
STQARRIJA MILL-UFFIĊĊJU TAL-PRESIDENT: Rockestra – Times Like These se ssir fit-3 ta’ Diċembru li ġej
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

Aktar Stqarrijiet Right arrow