Left arrow Go Back

STQARRIJA MILL-MINISTERU GĦALL-ENERĠIJA, L-INTRAPRIŻA U L-IŻVILUPP SOSTENIBBLI: Spazju abbandunat ta’ 2,000 metru kwadru f’Ħal Farruġ se jinbidel f’picnic area

pr211978
Date Icon 03/11/2021

Żona abbandunata ta’ 2,000 metru kwadru f’Ħal Farruġ se tiġi riġenerata biex toffri lir-residenti spazju miftuħ għat-tgawdija tagħhom. 

Dan ix-xogħol se jsir minn Parks Malta, bi ftehim mal-Kunsill Lokali ta’ Ħal Luqa. Parks Malta se jkunu responsabbli mill-manutenzjoni u ż-żamma ta’ din il-picnic area. Is-sit se jiġi attrezzat bil-cameras tas-sigurtà u, biex iż-żona tkun aktar sigura, se jinbena ċint mad-dawra. 

Dan il-proġett fil-komunità ta’ Ħal Luqa tħabbar mill-Ministru għall-Enerġija, l-Intrapriża u l-Iżvilupp Sostenibbli Miriam Dalli. Is-sit se jkun mgħammar b’kontenituri għas-separazzjoni tal-iskart u ftit picnic benches, ħalli b’hekk aktar familji jkunu mħeġġa jmorru jagħmlu picnic f’abitat naturali.

Se jsir tħawwil ta’ siġar u installazzjoni ta’ sistema ta’ irrigazzjoni bl-użu ta’ ġiebja. Id-dawl li se jkun qed jiġi installat jagħmel użu minn sistema innovattiva kkontrollata skont il-ħin tal-ġurnata u l-bżonn. L-investiment f’din is-sistema jassigura effiċjenza u titjib fis-servizz. 

“Tul dawn l-aħħar xhur ħabbarna diversi proġetti ta’ spazji miftuħa. Dan qed isir permezz ta’ kollaborazzjoni ma’ diversi kunsilli lokali u Parks Malta, fejn kontinwament qed noffru aktar spazji miftuħa għat-tgawdija tar-residenti. F’kull proġett, dejjem inżommu f’moħħna l-kunċett ta’ sostenibbilità, fejn il-manutenzjoni tingħata prijorità. Inħares ’il quddiem għal iktar proġetti bħal dawn biex jitgawdew mill-pubbliku fil-lokalità tagħhom stess,” qalet il-Ministru Dalli.

“Dan il-proġett huwa xhieda oħra ta’ impenn li għandha Parks Malta biex inkomplu nikkollaboraw ma’ aktar kunsilli lokali, biex b’hekk nirriġeneraw aktar spazji miftuħa viċin tar-residenti,” irrimarka d-Direttur Ġenerali ta’ Parks Malta Adrian Attard.

Preżenti għat-tnedija ta’ dan il-proġett kien hemm id-Direttur Ġenerali ta’ Parks Malta u rappreżentanti mill-Kunsill Lokali ta’ Ħal Luqa.

Ir-riġenerazzjoni ta’ dan il-ġnien se tkun qed titlesta fix-xhur li ġejjin.

STQARRIJA MILL-MINISTERU GĦALL-ENERĠIJA, L-INTRAPRIŻA U L-IŻVILUPP SOSTENIBBLI: Spazju abbandunat ta’ 2,000 metru kwadru f’Ħal Farruġ se jinbidel f’picnic area
STQARRIJA MILL-MINISTERU GĦALL-ENERĠIJA, L-INTRAPRIŻA U L-IŻVILUPP SOSTENIBBLI: Spazju abbandunat ta’ 2,000 metru kwadru f’Ħal Farruġ se jinbidel f’picnic area
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow