Left arrow Mur Lura

STQARRIJA MILL-MINISTERU GĦALL-EDUKAZZJONI U MILL-MINISTERU GĦALL-INTERN, IS-SIGURTÀ NAZZJONALI U L-INFURZAR TAL-LIĠI

pr211974
Date Icon 02/11/2021

Iffirmat Memorandum of Understanding bejn il-Forzi Armati ta’ Malta u l-Kulleġġ Malti għall-Arti, ix-Xjenza u t-Teknoloġija, l-MCAST, li ser iwassal għal aktar opportunitajiet ta’ taħriġ

Ftehim ta’ ħames snin ser iwassal għal żvilupp tal-edukazzjoni u għal taħriġ kemm tal-istudenti tal-MCAST kif ukoll tas-suldati tal-Forzi Armati ta’ Malta. Waqt konferenza tal-aħbarijiet indirizzata mill-Ministru għall-Edukazzjoni Justyne Caruana u mill-Ministru għall-Intern, is-Sigurtà Nazzjonali u l-Infurzar tal-Liġi Byron Camilleri tħabbar kif dan ser ikompli jassigura kollaborazzjoni akbar bejn iż-żewġ entitajiet biex aktar studenti u suldati jingħataw l-għodda possibbli biex ikollhom karriera ta’ suċċess.  

Permezz tal-ftehim bejn il-FAM u l-MCAST, ser jiġu żviluppati korsijiet apposta li ser jaraw li r-rekluti tal-Forzi Armati jiksbu korsijiet akkreditati ta’ livell MQF. Għaldaqstant, l-uffiċjali jkunu jistgħu jiżviluppaw il-kapaċitajiet u l-għarfien tagħhom iżda wkoll igawdu mill-benefiċċju ta’ taħriġ validu biċ-ċertifikati li jistgħu jissarrfu fid-dinja tax-xogħol. Dan filwaqt li l-Forzi Armati ta’ Malta ser ikunu qed joffru taħriġ lill-istudenti tal-inġinerija fost l-oħrajn fuq livell tekniku u professjonali. 

Il-Ministru għall-Edukazzjoni Justyne Caruana spjegat li dan il-ftehim ser jiftaħ ukoll opportunitajiet ta’ impjieg hekk kif il-gradwati tal-MCAST, partikolarment dawk li jsegwu Diploma Estiża fl-Istudji tal-Fondazzjoni għas-Sigurtà, Infurzar u Protezzjoni, ikunu jistgħu jingħaqdu mal-FAM meta jtemmu l-istudju b’suċċess.  “L-MCAST qed tkompli bil-ħidma tagħha biex tmexxi korsijiet rilevanti għall-industrija li jgħinu biex jindirizzaw in-nuqqasijiet fil-ħiliet u wkoll biex tgħin ħalli jkollna workforce li timxi mal-ħtiġijiet li għandu bżonn il-pajjiż,” qalet il-Ministru Caruana. 

Fid-diskors tiegħu, il-Ministru għall-Intern Byron Camilleri sostna li dan il-ftehim huwa pass importanti biex inkomplu nsaħħu t-taħriġ tas-suldati. “Wara li tejjibna l-kundizzjonijiet tax-xogħol tal-korpi dixxiplinati kollha, issa kien imiss li nimbuttaw għal taħriġ ta’ kwalità akkreditat biex xogħol fil-Forzi Armati u f’korpi oħrajn jibda verament jitqies bħala karriera. Illum, kull min jagħżel li jibda l-karriera tiegħu fis-servizz jaf li għandu gvern kommess li jinvesti fih,” qal il-Ministru Camilleri. 

Il-Brigadier tal-Forzi Armati ta’ Malta, Jeffrey Curmi, semma li fil-FAM jeżisti numru sostanzjali ta’ ħiliet u snajja’ li mhumiex speċifikament assoċjati man-natura militari. Għaldaqstant, dawk is-suġġetti li mhumiex purament militari ser jiġu mgħallma f’istituzzjonijiet edukattivi u rikonoxxuti bħall-MCAST filwaqt li l-Forzi Armati ta’ Malta jkunu jistgħu jiffukaw b’mod aktar professjonali fuq l-aspett militari saħansitra b’opportunitajiet ta’ studju f’akkademji militari rikonoxxuti barra minn xtutna.

Id-Deputat Prinċipal, Dr Mario Cardona, spjega li b’dan il-ftehim l-MCAST se tkompli l-kollaborazzjoni mal-Forzi Armati ta’ Malta. “Permezz tal-Istitut tal-Inġinerija u t-Trasport qed noffru taħriġ f’oqsma differenti u qed nagħtu ċans lill-istudenti jagħmlu l-apprendistat mal-FAM,” temm jgħid Dr Cardona. 

STQARRIJA MILL-MINISTERU GĦALL-EDUKAZZJONI U MILL-MINISTERU GĦALL-INTERN, IS-SIGURTÀ NAZZJONALI U L-INFURZAR TAL-LIĠI
STQARRIJA MILL-MINISTERU GĦALL-EDUKAZZJONI U MILL-MINISTERU GĦALL-INTERN, IS-SIGURTÀ NAZZJONALI U L-INFURZAR TAL-LIĠI
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

Aktar Stqarrijiet Right arrow