Left arrow Go Back

STQARRIJA MILL-UFFIĊĊJU TAS-SEGRETARJU PERMANENTI EWLIENI

pr211956
Date Icon 29/10/2021

Dan l-uffiċċju jirreferi għal rapporti 'l bogħod minn korretti li dehru f'sezzjonijiet tal-midja dwar tagħrif li ġie rrappurtat li nkiseb mill-Uffiċċju tal-Ombudsman dwar l-implimentazzjoni tar-rakkomandazzjonijiet tiegħu lis-Servizz Pubbliku.

Kull sena fis-Servizz Pubbliku jsiru mat-13-il miljun tranżazzjoni ma' klijenti f'aktar minn elfejn servizz provdut. Meta wieħed iqis l-għadd ta' każijiet li jispiċċaw għand l-Ombudsman, ifisser li għandu jispiċċaw 3 każijiet minn kull 10,000 tranżazzjoni. Din iċ-ċifra waħidha hija indikazzjoni kemm l-amministrazzjoni pubblika tħares il-governanza u tagħti servizz tajjeb lill-klijenti tagħha.

Mill-2018 sal-lum, l-Ombudsman fetaħ medja ta' 311-il każ fis-sena. Madwar 60% minnhom lanqas biss kellhom għalfejn jiġu investigati mill-Ombudsman u jingħalqu mal-ewwel. 12% ingħalqu b'rakkomandazzjoni ta' soluzzjoni mill-uffiċċju tiegħu lis-Servizz Pubbliku.

Għajr għal 15 minn kull elf (1.5%), ir-rakkomandazzjonijiet kollha tal-Ombudsman ġew implimentati. Dan huwa ferm 'il bogħod minn dak li ntqal minn sezzjonijiet tal-midja li 25% tar-rapporti tal-Ombudsman ġew injorati mis-Servizz Pubbliku.

Is-Servizz Pubbliku jwettaq medja ta' 98% tar-rakkomandazzjoni li jagħti l-Ombudsman.

Dawn huma fatti bbażati fuq figuri.

Din ma kinitx l-ewwel darba li għall-midja nħarġu figuri li ma jirriflettux il-fatti. Sena ilu, l-istess Ombudsman ġie rrappurtat li qal lill-President ta' Malta meta dan żar l-Uffiċċju tal-Ombudsman li s-Servizz Pubbliku ma jagħtix it-tagħrif li jitlob l-Ombudsman u li s-Servizz Pubbliku iwaħħal l-investigazzjonijiet tal-uffiċċju tiegħu. Il-fatti wkoll kienu ferm 'il bogħod minn hekk.

Għas-sena li għaddiet, is-Servizz Pubbliku wera li minn 148 każ li kien għad hemm pendenti, 119-il każ minnhom kienu qed jistennew l-azzjoni tal-Ombudsman, waqt li kien hemm 29 każ biss jistennew għand il-ministeri, u dan minħabba tibdiliet li kellhom isiru f'liġijiet, policies, jew proċeduri.

Sena wara oħra s-Servizz Pubbliku jagħti rendikont dettaljat fuq kull rakkomandazzjoni li jkun ta l-Ombudsman. Dan jagħmlu wkoll fil-każ tar-rakkomandazzjonijiet li jagħti l-Awditur Ġenerali. Dawn il-pubblikazzjonijiet huma aċċessibbli għal kulħadd mis-sit tas-Servizz Pubbliku, inkluż għall-media.

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow