Left arrow Mur Lura

STQARRIJA MILL-MINISTERU GĦALL-EDUKAZZJONI: Malta li rridu għal Uliedna: €800 miljun investiment fl-istudenti u l-edukaturi

pr211920
Date Icon 21/10/2021

Dan huwa baġit li jkompli fuq ta’ qablu, jinvesti bis-sħiħ fl-istudent u l-edukatur. L-istudent li huwa l-futur ta’ pajjiżna. L-edukatur li qed jindokra lill-istudent biex b’mod ħolistiku jkun iċ-ċittadin ta’ Malta ta’ għada.

“Kien għalhekk li matul ix-xhur ta’ sfidi waqt il-pandemija dinjija, dawwarna l-isfidi f’opportunitajiet. Opportunitajiet li tgħallimna minnhom u li qed imexxuna ’l quddiem. Opportunitajiet li qed naraw li nikkultivawhom biex minnhom jibbenefikaw l-edukaturi u l-istudenti tagħna. Iva, dan huwa baġit li jkompli jagħti aktar opportunitajiet lill-istudenti tagħna u lill-edukaturi tagħna”, spjegat il-Ministru għall-Edukazzjoni Justyne Caruana dalgħodu waqt konferenza tal-aħbarijiet fin-Nadur, Għawdex. Il-Ministru Caruana kompliet tispjega l-miżuri li hemm fil-baġit għas-sena 2022 marbuta mas-settur edukattiv.

Il-Ministru Caruana ħabbret ukoll miżura li toħroġ minn dan il-baġit, li minnha se jgawdu 1,300 student u edukatur Għawdxi li ta’ kuljum jaqsmu bejn il-gżejjer biex jitgħallmu jew jgħallmu u li issa se jkunu eliġibbli għall-‘EDU Fast Ferry Scheme”.

Din l-iskema taħseb biex l-istudenti li qed isegwu xi kors tal-Junior College, l-Università ta’ Malta u l-MCAST, u l-edukaturi Għawdxin li jaħdmu Malta jingħataw, rimbors meta jużaw il-fast ferry, irrispettivament ma’ liema operatur jivjaġġaw. Dawk eliġibbli jridu japplikaw online fuq il-website uffiċjali tal-Ministeru għall-Edukazzjoni. L-applikazzjonijiet jagħlqu fit-3 ta’ Novembru 2021. L-operaturi tal-fast ferry se jagħtu ‘EDU Fast Ferry Card’ li tkun trid tintuża meta wieħed jagħmel użu tas-servizz. Ir-rimbors jingħata għal kull vjaġġ li jsir bil-fast ferry waqt il-ġranet fejn jingħata tagħlim matul is-sena skolastika. Il-ħlas isir b’lura, kull tliet xhur.

Il-Ministru Caruana qalet li dan il-baġit juri kemm dan il-Gvern jagħti prijorità lil dan is-settur. Fih hemm nefqa fuq investiment kapitali fl-edukazzjoni ta’ €93 miljun – tliet darbiet aktar minn dik tal-2012 u nefqa rikorrenti ta’ €704 miljun, aktar mid-doppju tan-nefqa tal-2012.

“Jekk tanalizza dawn il-figuri tara li fl-2012 in-nefqa kapitali fuq kull student f’dik is-sena skolastika kienet ta’ €560 u dik tal-2022 hija ta’ €1,670 fuq kull student. Fl-2012 in-nefqa rikurrenti fuq kull student f’dik is-sena skolastika kienet ta’ €5,800, filwaqt dik tal-2022 hija ta’ €12,645 fuq kull student”, qalet il-Ministru Caruana.

Dan huwa baġit li qed ikompli jinvesti f’kull qasam li jaqa’ taħt il-kappa tal-edukazzjoni, fl-infrastruttura edukattiva, fit-tagħlim, fl-apprendistat, fit-taħriġ u riċerka, u fuq kollox fl-edukatur. Dan billi se tkompli tissaħħaħ ukoll l-istatus tal-professjoni tal-edukaturi billi se tidħol fis-seħħ il-liġi li tirregola l-professjoni tal-edukaturi. Din għandha twassal biex tagħti status aktar professjonali lill-edukaturi tagħna kollha, irrispettivament f’liema livell ta’ edukazzjoni jgħallmu. 

“Miżura għal qalbi ferm hija li kull Kap ta’ Skola tal-Istat minn Kinder sa’ Sekondarja se jingħata għotja medja ta’ €10,000 fis-sena, b’nefqa ta’ miljun ewro, biex naraw li t-tfal taħt is-superviżjoni tal-Kapijiet tal-Iskejjel tagħhom ma jkunux neqsin minn affarijiet bażiċi, b’nefqa ta’ €1 miljun”, qalet il-Ministru Justyne Caruana.

STQARRIJA MILL-MINISTERU GĦALL-EDUKAZZJONI: Malta li rridu għal Uliedna: €800 miljun investiment fl-istudenti u l-edukaturi
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

Aktar Stqarrijiet Right arrow